У Гродне адбылося ўрачыстае адкрыццё ІІІ Фэсту Моладзевай Журналістыкі, піша «Твой стыль».
— Я веру, што працяг Фестываля будзе, і мы ўжо падумываем пра чацьвёрты фэст, бо на яго ёсць запатрабаванне, — сказаў у прывітальным слове старшыня праўлення ГА «Трэці сектар» і арганізатар Фэсту Вітаўт Руднік.
Ён падзякаваў партнёрам, якія дапамаглі арганізаваць фестываль, асабліва падкрэсліваючы заангажаванне Беларускай Асацыяцыі Журналістаў (БАЖ). Вітаўт Руднік узгадаў таксама пра навінку фестываля — ФотаБатл.
— Вядучымі
Пра значэнне Фэсту выказаўся знакаміты беларускі журналіст і сябра Рады БАЖу Юрась Карманаў.
На яго думку ў Беларусі шмат журналістаў, але не ўсе аднолькава разумеюць функцыі і мэты журналістыкі. — БАЖ прытрымліваецца сусветнага разумення функцый і мэтаў журналістыкі. Гэта значыць: інфармаваць, дапамагаць людзям і кантраляваць уладу, — заявіў спадар Юрась.
Намаганнямі БАЖу Школы маладога журналіста зараз дзейнічаюць у пяці гарадах Беларусі.
— Менавіта для іх ладзяцца фэсты падобнага кшталту, — падкрэсліў Карманаў.
Госць Фэсту, які выкладае журналістыку ў Еўрапейскім Гуманітарным Універсітэце, падкрэсліў, што больш паспяхова засвойваюць праграму навучання менавіта выпускнікі «Школы Маладога Журналіста» (ШМЖ), якая дзейнічае ў Гродне як праект ГА «Цэнтр «Трэці сектар».
Каментары