Ізраіль забіў кіраўніка іранскай разведкі і ягонага намесніка
абноўлена
15 чэрвеня быў атакаваны будынак разведкі Корпуса вартавых Ісламскай рэвалюцыі.
Махамад Каземі злева
Прэм'ер-міністр Ізраіля Біньямін Нетаньяху ў інтэрв'ю Fox News заявіў, што Ізраіль забіў кіраўніка іранскай разведкі Корпуса вартавых Ісламскай рэвалюцыі Махамада Каземі і ягонага намесніка Хасана Махакекі.
Пазней Корпус вартавых Ісламскай рэвалюцыі пацвердзіў гібель Каземі.
15 чэрвеня быў атакаваны будынак разведкі Корпуса вартавых Ісламскай рэвалюцыі.
У гэты ж дзень адбылося некалькі выбухаў у Тэгеране. Знішчаныя будынкі сілавых міністэрстваў і Міністэрства юстыцыі.
У папярэднія дні Ізраіль забіў таксама некалькі высокапастаўленых вайскоўцаў. Сярод іх — камандуючы Корпуса вартавых ісламскай рэвалюцыі (КВІР) Хасейн Саламі, камандзір Ваенна-паветраных сіл КВІР Амір Алі Хаджызадэ, галоўнакамандуючы іранскіх Узброеных сіл Махамад Багеры, намеснік галоўнакамандуючага Галамалі Рашыд.
Чытайце таксама:
Тэгеран гарыць. Ізраільскія знішчальнікі працягваюць удары, пакуль СПА Ірана бяссільная
Ізраіль ударыў па Тэгеране. Атакавана таксама штаб-кватэра Мінабароны Ірана