У Кыргызстане перад візітам Пуціна пасольства Украіны са сцягам схавалі за LED-экранам
Перад візітам Пуціна на саміт АДКБ у Бішкек улады Кыргызстана паставілі на тратуары канструкцыю, на якой усталявалі LED-экран. Гэты экран закрыў від на пасольства Украіны з боку прэзідэнцкага палаца «Ынтымак Ардо».
Від з боку ўкраінскага пасольства падчас усталявання экрана
Прэс-служба прэзідэнта Кыргызстана патлумачыла ўстаноўку экрана «новымі элементамі пратакола», паведамляе выданне «Азаттык-медиа» (кыргызская рэдакцыя «Радыё Свабода»).
Скрыншот з відэа канала «Настоящее время»
«Я каментаваць не буду, але прычынна-выніковая сувязь, відавочна, пэўная ёсць», — так пракаментаваў гэтую навіну дарадца пасла Украіны ў Кыргызстане Дзяніс Аўтаномаў.
Чытайце таксама:
Пуцін: Баявыя дзеянні спыняцца, калі УСУ пакінуць свае пазіцыі
Лукашэнка паскардзіўся, што сітуацыя ў Беларусі «падобная да абложанай крэпасці»
«Сумуе па Кыргызстане». Лукашэнка расказаў пра жыццё Бакіева ў Беларусі
Лукашэнка: Усе згодны на перамовы ў Беларусі, акрамя Зяленскага