Štab Taćciany Karatkievič asprečyć vyniki vybaraŭ u Viarchoŭnym sudzie
Kandydatka ŭ prezidenty Taćciana Karatkievič i jaje štab asprečać u Viarchoŭnym sudzie vyniki sioletnich prezidenckich vybaraŭ. Pra heta zajaviŭ kiraŭnik štaba Andrej Dźmitryjeŭ na pres-kanfierencyi 12 kastryčnika.
Kamanda Karatkievič płanuje abapiracca na materyjały, sabranyja kampanijaj nazirańnia «Prava vybaru».
«My budziem vykarystoŭvać tyja fakty, jakija byli sabranyja naziralnikami ŭsich palityčnych partyj i ruchaŭ, a taksama pravaabaroncami, kab abskardzić hetyja vyniki. Nie važna, što nam adkaža sud, važna pakazać hramadstvu, što my zmahajemsia za hałasy».
Darečy, kaardynatar kampanii Dzianis Sadoŭski, padvodziačy vyniki prezidenckaj kampanii, nazvaŭ vybary nieprazrystymi i niedemakratyčnymi. Jon kanstatavaŭ zavyšeńnie jaŭki, prypiski i vybarčyja «karusieli».
Palityki Alaksiej Janukievič (Partyja BNF) i Vital Rymašeŭski (arhkamitet BCHD) taksama zajavili, što nie pryznajuć vyniki vybaraŭ.