U dzień balšavickaha pieravarotu bieraściejcy ŭstalavali pamiatny kryž u Kurapatach FOTY
Hramadskaść Bresta ŭstalavała ŭ Kurapatach 7 listapada pamiatny kryž achviaram stalinskich represij. Kryž zrobleny ŭ zachodnie-paleskim styli.
Aśviaciŭ kryž i spraviŭ paminalnuju malitvu hreka-katalicki śviatar z Bresta Ihar Kandraćjeŭ. Kryž ustalavany ŭ pamiać ab zakatavanych u Kurapatach achviarach, jakija pachodziać z Bresckaha rehijonu. Srodki na ŭstalavańnie kryža źbirali hramadoj. Da zboru dałučylisia jak hramadzkija aktyvisty i biznesoŭcy z Bresta, tak i pradstaŭniki roznych relihijnych kanfiesij. Na kryžy źmieščany nadpis «Pamiaci bieraściejcaŭ 1939—1941».