Zabiŭ kaciania, pahražaŭ haspadaru — atrymaŭ hod i try miesiacy kałonii
U Breście asudžany miascovy žychar, jaki ŭ stanie ałkaholnaha apjanieńnia zarezaŭ nažom dvuchmiesiačnaje kaciania i pahražaŭ zabić jaho haspadara.
Zhodna z materyjałami kryminalnaj spravy, schapiŭšy haspadara kacianiaci rukoj za levaje plačo, abvinavačvany prystaviŭ da jaho šyi nož, pryčyniŭšy jamu lohkija cialesnyja paškodžańni.
Jak paviedamlaje Brescki abłasny sud, chulihan pryznany vinavatym u žorstkim abychodžańni z žyviołaj (č. 1, art. 339-1 KK), a taksama ŭ pahrozie zabojstvam (art. 186).
Pa sukupnaści złačynstvaŭ abvinavačvanamu kančatkova pryznačanaje pakarańnie ŭ vyhladzie pazbaŭleńnia voli na adzin hod i try miesiacy ŭ kałonii strohaha režymu.
Pryhavor pakul nie nabyŭ moc. Abvinavačvany padaŭ kasacyjnuju skarhu ŭ Brescki abłasny sud.