Paplečnik Pučdemona abrany novym kiraŭnikom Katałonii
Parłamient Katałonii ź minimalnaj pieravahaj vybraŭ Chaakima Toru novym kiraŭnikom urada Katałonii.
Tora upieršyniu staŭ deputatam parłamienta Katałonii paśla daterminovych vybaraŭ 21 śniežnia 2017 hoda. Farmalna jon nie źjaŭlajecca siabram jakoj-niebudź partyi, ale jon blizki siabar eks-kiraŭnika ŭrada Karlesa Pučdemona, išoŭ na vybary pa śpisie jaho ruchu «Razam za Katałoniju». Pierad hałasavańniem pa svajoj kandydatury 14 maja Tora prama nazvaŭ Pučdemona «lehitymnym kiraŭnikom» urada i paabiacaŭ, u vypadku zaćviardžeńnia jaho prezidentam, praciahnuć budaŭnictva niezaležnaj respubliki.
Juryst pa adukacyi i žurnalist pa prafiesii, Tora viadomy ŭ Katałonii jak hramadski dziejač, uvachodzić u kiraŭnictva šerahu asacyjacyj u śfiery kultury i palityki. Z 2011 pa 2017 hod jon zajmaŭ roznyja pasady, źviazanyja z prasoŭvańniem navuki i kultury, u meryi Barsiełony i ŭradzie Katałonii.