Žychar Smarhoni znajšoŭ 440 patronaŭ i zdaŭ u milicyju
4 krasavika 42-hadovy žychar Smarhoni patelefanavaŭ u milicyju i paviedamiŭ, što znajšoŭ 440 patronaŭ, jakija choča addać u pravaachoŭnyja orhany, paviedamlaje hrodzienskaja abłasnaja milicyja.
Supracoŭniki milicyi, SK i kamiteta ekśpiertyz vyjechali na miesca i pabačyli 440 patronaŭ kalibra 7,62 milimietra časoŭ apošniaj vajny. Mužčyna raspavioŭ, što 3 krasavika zajmaŭsia raskopkami ŭ vioscy Vidziuny Astravieckaha rajona. U niejki momant mietałašukalnik vyjaviŭ bujny pradmiet. Dastaŭšy jaho ź ziamli, mužčyna zrazumieŭ, što pierad im znachodziacca bojeprypasy.
U toj dzień jon schavaŭ patrony ŭ haražy, a na nastupny dzień paviedamiŭ pra znachodku ŭ pravaachoŭnyja orhany