Pinčuki na Dzień Voli jeduć na mahiłu Skirmunta
Pinski aktyvist Ruchu za Svabodu Alaksandar Ramanovič paviedamiŭ, što siońnia pinčuki naviedajuć byłoje miastečka Parečča. Na tamtejšych mohiłkach u 1939 hodzie paśla prychodu Savietaŭ byŭ rasstralany Raman Skirmunt — premjer uradu Biełaruskaje Narodnaje Respubliki.
«Parečča znachodzicca za 40 kilametraŭ ad Pinsku. Ušanavańnie pamiaci Ramana Skirmunta adbudziecca a 16‑j hadzinie», — udakładniŭ Alaksandar Ramanovič.
Raman Skirmunt naradziŭsia ŭ 1868 hodzie. Bujny ziemleŭładalnik, palityčny dziejač. U sakaviku 1917 hodu — staršynia Biełaruskaha nacyjanalnaha kamitetu ŭ Miensku. Uviesnu 1918 hodu — siabra Rady BNR, a ź lipienia 1918‑ha — premjer uradu BNR.