U Hrodnie rabotnicu Hrodnaprambuda, jakaja vystupała za strajk, vyklikali na dopyt pa kryminalnaj spravie
U Horadni supracoŭnicu Hrodnaprambudu Juliju Śliŭko vyklikali na dopyt u SK. Da jaje domu prychodzili nieviadomyja, piša «Svaboda».
Juliju Śliŭko dapytali ŭ Śledčym kamitecie ŭ jakaści śviedki pa kryminalnym artykule 342 «Arhanizacyja abo padrychtoŭka dziejańniaŭ, jakija hruba parušajuć hramadzki paradak, abo ŭdzieł u ich». Da taho ž jaje vyklikajuć u RAUS ź nieviadomaj pryčyny.
Pa niekalkich raniejšych miescach žycharstva Śliŭko prychodzili nieviadomyja ludzi, pradstaŭlalisia susiedziam pravaachoŭnikami, ź jakoj pryčyny šukali žančynu — nieviadoma.
Sama Julija rasceńvaje takija dziejańni jak zapałochvańnie i cisk za svaju hramadzkuju pazycyju. Raniej jana planavała ŭdzielničać u strajku na pradpryjemstvie, vystupała na mitynhu i ŭ ŚMI. Śliŭko z synam časova nie žyvie pa svaim stałym miescy žycharstva, bo baicca pieraśledu.