Navalny ŭ samalocie: Što sa mnoj moža drennaha zdarycca ŭ Rasii?
Rasijski apazicyjanier Alaksiej Navalny ŭ Bierlinie sieŭ u samalot da Maskvy.
Kali Navalny zajšoŭ u samalot, ludzi ŭstali sa svaich miescaŭ i padyšli da jaho. Mnohija zadavali pytańni.
Navalny zajaviŭ, što nie baicca viartacca ŭ Rasiju.
«Čaho mnie bajacca ŭ Rasii? Što sa mnoj moža drennaha zdarycca ŭ Rasii?».
Na pytańnie, ci buduć novyja rasśledavańni, jon skazaŭ: «Viadoma, tamu i viartajusia».
Ludzi doŭha nie chacieli sadzicca na miescy, Navalny i bortpravadniki nieadnarazova prasili ich sieści, kab samalot moh uźlacieć.
Navalnaha pryvieźli da samalota na čornaj Aŭdzi ź mihałkami. Taksama ŭ supravadžeńni druhaja ŭradavaja mašyna i ekipažy palicyi.
Paźniej apazicyjanier z žonkaj vyjšli z «Aŭdzi» i padnialisia na bort.
U Maskvu bort pavinien prylacieć kala 19:30.