Pamior były prezident MAK Žak Rahie
Były prezident Mižnarodnaha alimpijskaha kamiteta Žak Rahie pamior va ŭzroście 79 hadoŭ. Pryčyny śmierci nie ŭdakładniajucca.
lesoir.be
«Ź vialikim smutkam Mižnarodny alimpijski kamitet abjaŭlaje pra śmierć byłoha prezidenta MAK, hrafa Žaka Rahie», — havorycca ŭ zajavie MAK.
Spačuvańni vykazaŭ ciapierašni prezident MAK Tomas Bach.
«Uvieś alimpijski ruch budzie hłyboka apłakvać stratu vialikaha siabra i haračaha prychilnika sportu. Pierš za ŭsio, Žak lubiŭ sport i kantakty sa spartsmienami — i jon pieradaŭ hetuju zapał usim, chto jaho viedaŭ», — skazaŭ jon.
Paviedamlajecca, što ŭ znak pavahi alimpijski ściah budzie pryspuščany na praciahu piaci dzion va ŭsich abjektach MAK. Mižnarodny alimpijski kamitet paprasiŭ usie nacyjanalnyja alimpijskija kamitety i mižnarodnyja fiederacyi dałučycca da hetaha žestu pamiaci.
Žak Rahie byŭ prezidentam MAK u 2001—2013 hadach. Padčas karjery spartsmiena jon zajmaŭsia prafiesijnym parusnym sportam. Rahie — 16-razovy čempijon Bielhii, jon udzielničaŭ u Alimpijadzie-1968, Alimpijadzie-1972 i Alimpijadzie-1976.