Minčuki vyviesili biełaruski i ŭkrainski ściahi na apory ŁEP. Ich zatrymali
Heta adbyłosia ŭ pačatku kastryčnika na skryžavańni vulic Rafijeva i Siemianiaki. Minčuki vyviesili bieł-čyrvona-bieły ściah i ściah Ukrainy.
Skrynšot videa
Zatrymanyja šaściora minčukoŭ va ŭzroście ad 34 da 36 hadoŭ, — paviedamiła pres-słužba MUS.
Milicyja kaža, što akcyju mužčyny vyrašyli samastojna. Adzin ź ich sfatahrafavaŭ vyniki i dasłaŭ zdymki internet-resursam, jakija ličacca «ekstremisckimi». Akcyja adbyłasia ŭ dzień, kali padarvali Kierčanski most.
Zaviedziena kryminalnaja sprava za złosnaje chulihanstva, što praduhledžvaje pazbaŭleńnie voli terminam da šaści hadoŭ.