Stali viadomyja miesca i čas raźvitańnia z pamierłaj u Varšavie biełaruskaj
Pachavańnie adbudziecca ŭ čaćvier, 14 sakavika, u 13:00 na Paŭnočnych mohiłkach (Cmentarz Północny) u zale S, paviedamiŭ Biełsatu chłopiec Lizaviety.
Marš pamiaci Lizy ŭ Varšavie 6 sakavika. Fota: «Naša Niva»
Daniła taksama vykazaŭ vialikuju padziaku ŭsim za ščyruju padtrymku:
«Ja atrymaŭ vializnuju kolkaść prapanoŭ dapamohi ad biełarusaŭ, ukraincaŭ, palakaŭ. Daktary, jurysty, słužki carkvy i prosta nieabyjakavyja ludzi, uvieś hety čas padtrymlivali, dapamahali, byli pobač, malilisia. Dziakuju za Vašyja dobryja sercy i padtrymku. Viedaju, što mnohija z Vas žadajuć pravodzić Lizu ŭ apošni šlach.
Liza nie była ni palityčnaj, ni publičnaj piersonaj, i my nie žadajem rabić z hetaha mierapryjemstva mitynh. Heta pachavańnie, i słova budzie nadadziena tolki słužkam carkvy i blizkim».
Nahadajem, što 25 lutaha ŭ Varšavie na 25-hadovuju biełarusku Lizavietu napaŭ 23-hadovy Dorjan S., zhvałciŭ jaje i dušyŭ, praz što ŭ Lizaviety zdaryłasia hipaksija, jakaja paciahnuła za saboju niezvarotnyja nastupstvy dla mozhu. 1 sakavika biełaruska pamierła ŭ špitali. Napadnika zatrymali praź niekalki hadzinaŭ paśla ździajśnieńnia złačynstva.
Čytajcie taksama:
«Jaje zvali Liza». U Varšavie prajšoŭ Marš u pamiać ab zhvałtavanaj i zabitaj biełaruscy REPARTAŽ
Śviedki raspaviali, čamu nie vyklikali palicyju padčas zhvałtavańnia biełaruski ŭ Varšavie