Biełaruska pryviezła na adpačynak u Dubaj poŭny čamadan praduktaŭ

Maryna z Mahilova razam z mužam i dačkoj palacieła na adpačynak u Dubaj. Pad devizam «Aščadziŭ — značyć, zarabiŭ» jana pryviezła z saboj poŭny čamadan biełaruskich praduktaŭ.

Skrynšot videa ŭ tyktoku

Pra svaje pryhody žančyna raskazała ŭ tyktoku.

U pieršy dzień adpačynku, pačaŭšy raspakoŭvać čamadan, jana pažartavała: «Chacia b kaŭbasie pakažu Dubajsk». Kolkaść ježy, jakuju siamja pryviezła z saboj u adpačynak, nie moža nie ŭrazić. Akramia kaŭbasy, u čamadanie bačny niekalki vidaŭ syru, hrečka, sieladziec, kansiervy, makarony, tvaroh, piečyva, zhuščonka, soki, šakaład dy inšyja prysmaki. I lidski kvas ź pitnoj vadoj «Daryda» znajšoŭsia!

— Mianie ŭsiudy prapuskajuć. Ja skazała, što mnie bolš za ŭsich treba. Ty sam skazaŭ, što biudžet abmiežavany. Zekanomiŭ — značyć, zarabiŭ. Pa-druhoje, dzie ja tut narmalnyja pradukty kuplu? — kaža Maryna mužu.

— Ty navat masła ŭziała, — zamiłoŭvajecca toj.

@krautsova_mari Piervyj dień v Dubaje Raźbirajem čiemodany #raspakovka #produkty #dubaj ♬ orihinalnyj zvuk - KraMa Marina Kravcova

Maryna prademanstravała, što ŭziała i sała, i chleb.

— A ty piva ŭziaŭ? Nie? Dyk čaho jechaŭ?

Za try dni videa nabrała ŭ tyktoku kala 270 tysiač prahladaŭ i bolš za 5 tysiač łajkaŭ. Kamientatary ŭ zachapleńni. Samy papularny kamientaryj taki: «Bierahčy treba takuju razumnuju žančynu. Jak zmahła ŭsio pravieźci».

Šmat chto zajzdrościć toj kaŭbasie: «Navat kaŭbasa bačyła Dubaj… A ja nie bačyła…». A ciozka aŭtarki roliku padzialiłasia svaim dośviedam: «U hetym hodzie taksama vaziła kaŭbasu Hruziju pakazać. Kaŭbasie spadabałasia, i jana tam zastałasia».

Kamientary da artykuła