Łukašenka dačakaŭsia vinšavańnia ad prezidenta Irana
Prezident Irana Masud Piezieškijan pavinšavaŭ Alaksandra Łukašenku z «pieramohaj na vybarach».
Masud Piezieškijan. Fota: Vahid Salemi / AP
«Aktyŭny ŭdzieł biełarusaŭ u vybarach adlustroŭvaje ich rašučaść i namier budavać śvietłuju budučyniu. Ja ŭpeŭnieny, što adnosiny dźviuch družalubnych krain Irana i Biełarusi i ŭzajemavyhadnaje supracoŭnictva va ŭsich halinach dvuchbakovaha, rehijanalnaha i mižnarodnaha ŭzajemadziejańnia ŭ pieryjad novaha prezidenckaha terminu Vašaha pravaschadzicielstva stanuć macniejšymi, čym raniej», — pryvodzić słovy pasłańnia pres-słužba Łukašenki.
Raniej Łukašenku patelefanavali ź vinšavańniami prezidenty Kazachstana Kasym-Žamart Takajeŭ, Uźbiekistana — Šaŭkat Mirzijajeŭ, Tadžykistana — Emamali Rachmon, Azierbajdžana — Ilcham Alijeŭ. Taksama ŭ šerahu najbolš chutkaha vinšavańnia ŭžo tradycyjna adznačylisia lidar Kitaja Si Czińpin i kiraŭnik Rasii Uładzimir Pucin.
Bieź vinšavańniaŭ Łukašenku taksama nie pakinuli družalubnyja biełaruskamu ŭradu Vjetnam, Kuba, Nikarahua, Vieniesueła, Turkmienistan, Pakistan, Kyrhyzstan, Mjanma, kiraŭnictva Abjadnanych Arabskich Emirataŭ.
Ź jeŭrapiejcaŭ adznačylisia prezident Sierbii Alaksandr Vučyč i staršynia prezidyuma Bośnii i Hiercahaviny Želka Ćvijanovič (taksama sierbka pa nacyjanalnaści).
Čytajcie taksama:
Jakija krainy vinšavali Łukašenku ź pieramohaj u 2020-m, a ciapier ihnarujuć jaho «pieraabrańnie»
Si Czińpin pavinšavaŭ Łukašenku
Pucin pavinšavaŭ Łukašenku z «pierakanaŭčaj pieramohaj»
Łukašenka pryznaŭsia, što vinšavaŭ Zianona Paźniaka ź jubilejem