Kožny piaty biełarus žyvie ŭ Minsku
Hałoŭnaje statystyčnaje ŭpraŭleńnie Minsku paviedamiła, što ŭsiaho ŭ stalicy žyvuć 1 996,7 tysiač čałaviek — to-bok kožny piaty biełarus, piša «Minsk Naviny».
Minsk. Fota: sacyjalnyja sietki
Takaja statystyka pryvodzicca na 1 studzienia 2025 hoda. U paraŭnańni z 2024 hodam nasielnictva Minsku pavialičyłasia na 3,9 tysiač čałaviek.
Najbolšaja kolkaść ludziej žyvie ŭ Frunzienskim rajonie — 453,1 tysiača čałaviek. Nastupnaje miesca ŭ Maskoŭskaha — 303,2 tysiačy čałaviek.
Najmienšuju kolkaść žycharoŭ zaŭvažyli ŭ Centralnym i Partyzanskim rajonach — pa 133,7 tysiač i 92 tysiačy čałaviek adpaviedna.
Pry hetym siaredni ŭzrost nasielnictva ŭ Biełarusi na pačatak 2025 hoda skłaŭ 41,9 hoda, u stalicy — 41 hod: mužčyn — 38,2 hoda, žančyn — 43,2 hoda.
Kolkaść žančyn na 1 studzienia skłała 1 091,5 tys.čałaviek, mužčyn — 905,2 tys. čałaviek.