U Biełarusi znoŭ sabrali hrošy na lačeńnie dziciaci z SMA
Maratu Duboŭskamu z Salihorska, jaki chvory na śpinalnuju myšačnuju atrafiju (SMA), sabrali hrošy na leki «Zołhiensma» koštam bolš za 1,8 miljona dalaraŭ. Siamja chłopčyka 11 červienia paviedamiła pra zakryćcio zboru.
Marat Duboŭski z mamaj Śviatłanaj. Fota z sacsietak
Jak napisała siamja chłopčyka, sabranyja srodki buduć pieraviedzienyja ŭ RPNC «Maci i dzicia». Častku, jakoj nie chapaje, dadaść dziaržava za košt pazabiudžetnych sponsarskich srodkaŭ.
«Niama słoŭ, kab vykazać toje, nakolki my ŭdziačnyja kožnamu z vas! 4,5 miesiaca my viali hetuju baraćbu, i vy byli pobač z nami! My ŭdziačnyja kožnamu za vašy achviaravańni, reposty, za arhanizacyju mierapryjemstvaŭ, kirmašoŭ i akcyj, za kožnaje ciopłaje słova i malitvu!» — padziakavała siamja chłopčyka.
Dva dni tamu baćki pisali, što «za 4,5 miesiaca sabrali 48% nieabchodnaj sumy, ale napieradzie jašče vialiki šlach, bo heta jašče navat nie pałova…»
Čytajcie taksama:
Jak žyvuć siemji, jakija sabrali vializnyja hrošy na vyratavalny ŭkoł dla dziciaci
Biełarusy sabrali vializnyja hrošy na leki dla jašče adnoj dziaŭčynki z SMA
Minzdaroŭja raskazała, kolki dziaciej sa SMA ŭžo atrymali samy darahi ŭ śviecie preparat
U Biełarusi ŭpieršyniu zaćvierdzili pratakoł lačeńnia dziaciej sa SMA
Lačyć dziaciej sa SMA za košt srodkaŭ biudžetu nie atrymajecca — Minzdaroŭja