Izrail zabiŭ kiraŭnika iranskaj raźviedki i jahonaha namieśnika
abnoŭlena
15 červienia byŭ atakavany budynak raźviedki Korpusa vartavych Isłamskaj revalucyi.
Machamad Kaziemi źleva
Premjer-ministr Izraila Bińjamin Nietańjachu ŭ intervju Fox News zajaviŭ, što Izrail zabiŭ kiraŭnika iranskaj raźviedki Korpusa vartavych Isłamskaj revalucyi Machamada Kaziemi i jahonaha namieśnika Chasana Machakieki.
Paźniej Korpus vartavych Isłamskaj revalucyi paćvierdziŭ hibiel Kaziemi.
15 červienia byŭ atakavany budynak raźviedki Korpusa vartavych Isłamskaj revalucyi.
U hety ž dzień adbyłosia niekalki vybuchaŭ u Tehieranie. Źniščanyja budynki siłavych ministerstvaŭ i Ministerstva justycyi.
U papiarednija dni Izrail zabiŭ taksama niekalki vysokapastaŭlenych vajskoŭcaŭ. Siarod ich — kamandujučy Korpusa vartavych isłamskaj revalucyi (KVIR) Chasiejn Sałami, kamandzir Vajenna-pavietranych sił KVIR Amir Ali Chadžyzade, hałoŭnakamandujučy iranskich Uzbrojenych sił Machamad Bahiery, namieśnik hałoŭnakamandujučaha Hałamali Rašyd.
Čytajcie taksama:
Tehieran haryć. Izrailskija źniščalniki praciahvajuć udary, pakul SPA Irana biaśsilnaja
Izrail udaryŭ pa Tehieranie. Atakavana taksama štab-kvatera Minabarony Irana