Siłaviki raskazali, za što praviali chapun na tenisnym matčy
Pres-słužba MUS paviedamiła, što supracoŭniki HUBAZiKa pry padtrymcy śpiecyjalnych padraździaleńniaŭ MUS zatrymali 19 arhanizataraŭ i ŭdzielnikaŭ niezakonnaj hrupy, jakaja zajmałasia machlarstvam z staŭkami na sport.
Skrynšot ź videa
Jak śćviardžajuć siłaviki, z 2021 hoda i da siońniašniaha času fihuranty spravy padmannym šlacham atrymlivali hrošy ad hramadzian, jakija rabili staŭki na sajcie papularnaj bukmiekierskaj kantory 1XBET. Na sajcie tranślavalisia damoŭnyja turniry pa baskietbole i tenisie, jakija arhanizoŭvali zatrymanyja.
Padčas pieratrusaŭ na spartyŭnych abjektach i ŭ ofisach Minska i Minskaj vobłaści kanfiskavali techniku, dakumienty, hrašovyja srodki i kryptaaktyvy na sumu kala paŭmiljona dalaraŭ. Usiaho vyjavili kala 200 udzielnikaŭ hetych padstaŭnych spartyŭnych spabornictvaŭ. Kiraŭniki hrupy raniej niekalki hadoŭ znachodzilisia ŭ vyšuku siłavikami Rasii.
Ciapier u Biełarusi zaviali kryminalnuju spravu za machlarstva ŭ składzie arhanizavanaj hrupy ŭ asabliva bujnym pamiery. Zatrymanym pahražaje da 12 hadoŭ pazbaŭleńnia voli. Pracu pa vyjaŭleńni ŭsich paciarpiełych praciahvajuć.
Čytajcie taksama:
Śpiecnaz uvarvaŭsia na tenisnyja matčy ŭ Minsku i zatrymaŭ udzielnic i sudździaŭ VIDEA
1xBet ładzić tysiačy fiktyŭnych matčaŭ, u tym liku ŭ Biełarusi. Na ich zarablajucca kaśmičnyja sumy