Dla biełaruskich kadetaŭ farmujuć kult hienierała, jaki addaŭ žyćcio za Rasijskuju Impieryju

Pakolki Viciebskaje kadeckaje vučylišča pa vynikach minułaha navučalnaha hoda było pryznana najlepšym siarod kadeckich ustanoŭ (ich 13), jaho pradstaŭnikam tydzień tamu ŭručyli pierachodnyja pryzy: bronzavy biust hienierał-lejtenanta Ramana Kandracienki i aficerskuju šašku ŭzoru 1881 hoda, piša Biełaruski instytut publičnaj historyi.

Chto taki Raman Kandracienka? Heta ruski hienierał, uradženiec Tyflisa i vychadziec z dvaranskaj siamji, jaki vučyŭsia ŭ Połackaj vajskovaj himnazii ŭ 1867—1874 hadach. Miarkujučy pa adkrytych krynicach, ź biełaruskimi ziemlami jaho bolš ničoha nie źviazvała.

Kandracienka ŭvajšoŭ u rasijskuju historyju jak arhanizatar abarony Port-Artura padčas vajny ź Japonijaj. Adnak paśla jaho hibieli horad byŭ zdadzieny.

Pierachodziačy biust Kandracienki ŭručajecca biełaruskim kadetam jak minimum z 2015 hoda. U 2008‑m u Połacku na srodki miascovaha pradprymalnika ŭstanavili stacyjanarny biust hienierała.

Cikava, što ściah Viciebskaha kadeckaha vučylišča stvorany na asnovie ściaha vobłaści — heta značyć na asnovie «Pahoni».

Kamientary da artykuła