U Polščy paviedamili pra čarhovuju dyviersiju na čyhuncy
Nieviadomyja raskłali hallo na rejkach, jakija prachodziać praz tak zvany Suvałkaŭski kalidor — terytoryju na miažy Polščy, Litvy i Biełarusi. Heta miesca maje stratehičnaje značeńnie, bo źjaŭlajecca adzinym suchaputnym złučeńniem krain Bałtyi z astatniaj Jeŭropaj i adździalaje Kalininhradskuju vobłaść ad Biełarusi.
Z-za pieraškody ciahnik byŭ vymušany spynicca. Palicyja rasśleduje incydent, a infarmacyju pieradali ŭ Ahienctva ŭnutranaj biaśpieki Polščy. Choć zdareńnie adbyłosia jašče ŭ siaredzinie listapada, viadoma pra jaho stała tolki ciapier.
Raniej u listapadzie ŭ Polščy adbylisia jašče dźvie dyviersii: kala vioski Miki paškodzili čyhunačnyja puci na linii Varšava — Darahusk, a kala vioski Hałombie — kantaktnuju sietku. Pavodle materyjałaŭ śledstva, hetyja dziejańni zrabili hramadzianie Ukrainy Alaksandr K. i Jaŭhien I., jakija nibyta dziejničali pa zadańni rasijskaj raźviedki i paźniej uciakli ŭ Biełaruś.
MZS Biełarusi paviedamiła, što atrymała zapyt ad Polščy i ŭ Biełarusi buduć sprabavać znajści padazravanych.
Čytajcie taksama:
Treciaje zdareńnie na čyhuncy ŭ Polščy — na rejkach vyjavili nakładku sa smartfonam
Dyviersant na polskaj čyhuncy dapuściŭ dziŭnuju pamyłku — padarvaŭ nie tuju rejku
Niekalki čałaviek zatrymanyja ŭ Polščy pavodle spravy ab dyviersijach na čyhuncy
Na čyhunačnych rejkach u Polščy znajšli patrony, złučanyja drotam