Prakuratura Jehipta patrabuje paviesić Mubaraka
Jehipieckaja prakuratura zapatrabavała prysudzić da śmiarotnaha pakarańnia byłoha prezidenta krainy Chośni Mubaraka i inšych padsudnych, jakija prachodziać pa spravie ab złoŭžyvańni słužbovym stanoviščam, u tym liku dvuch synoŭ
«Abvinavačvańnie patrabuje maksimalnaha pakarańnia dla Mubaraka i astatnich abvinavačanych — śmiarotnaha pakarańnia praz paviešańnie», — zajaviŭ pradstaŭnik prakuratury Mustafa Chater padčas pasiadžeńnia suda ŭ čaćvier.
Mubaraku pradjaŭlenyja abvinavačvańni ŭ zabojstvie pratestoŭcaŭ padčas antyŭradavych demanstracyj u Kairy ŭ lutym minułaha hoda. U čaćvier sud adkłaŭ sudovaje raźbiralnictva da 9 studzienia.
U aŭtorak bok abvinavačvańnia pačaŭ pradstaŭlać u sudzie dovady na karyść svajoj viersii ab dačynieńni Mubaraka i inšych padsudnych da hibieli bolš za 800 čałaviek pry razhonie niadaŭnich masavych antyŭradavych vystupaŭ, jakija pakłali kaniec raniejšamu režymu. Hałoŭny abvinavaŭca Mustafa Sulejman abvinavaciŭ padsudnaha ŭ tyranii ŭ pieryjad jaho