«Kommiersant»: Pucin vybraŭ Biełaruś dla pieršaha zamiežnaha vizitu
Spačatku mierkavałasia, što metaj pieršaj zamiežnaj pajezdki Pucina ŭ jakaści prezidenta budzie Kazachstan.
Paśla taho jak stała viadoma, što zamiest Uładzimira Pucina na samit G8 pajedzie premjer-ministr Dźmitryj Miadźviedzieŭ, krynica «Kommiersanta» ŭ Kramli paviedamiła, što prezident Rasii svoj pieršy zamiežny vizit ździejśnić «u adnu z postsavieckich krain».
Spačatku mierkavałasia, što metaj pieršaj zamiežnaj pajezdki Pucina budzie Kazachstan, kudy prezident mieŭsia zajechać u pačatku červienia pa šlachu ŭ Piekin, dzie projdzie samit ŠAS. Adnak, jak stała viadoma «Kommiersantu», pieršaj dziaržavaj, jakuju naviedaje prezident Rasii, stanie ŭsio ž Biełaruś.
Biełaruś najmacniej zaležyć ad Rasii ŭ ramkach tak zvanaj «sajuznaj dziaržavy» i Mytnaha sajuza. Kab utrymać Biełaruś u svajoj śfiery ŭpłyvu, Rasija nadaje joj da siami miljardaŭ dalaraŭ u hod u formie źnižanych cen na haz i naftu. Na biełaruskim prykładzie Maskva chacieła b pryvabić inšyja krainy byłoha SSSR u impieryju novaha ŭzoru.