U MZS Litvy vyklikali pasła Biełarusi
14 žniŭnia ŭ Ministerstva zamiežnych spraŭ Litvy byŭ vyklikany pasoł Biełarusi Uładzimir Dražyn, jakomu pradstavili pazicyju ES u suviazi z rašeńniem Alaksandra Łukašenki admović ŭ padaŭžeńni akredytacyi pasła Šviecyi i skasavać dypłamatyčny status inšych supracoŭnikaŭ ambasady.
Jak paviedamlaje MZS Litvy, Dražyna infarmavali, što pry pierahladzie dalejšaj palityki ES u dačynieńni da Biełarusi buduć uličanyja i dziejańni adnosna šviedskich dypłamataŭ i tendencyi ŭnutranaj palityki Biełarusi — los palitviaźniaŭ, chod budučych parłamienckich vybaraŭ i stanovišča hramadzianskaj supolnaści. U śviatle apošnich padziej ES maje namier abmiarkoŭvać dalejšaje abmiežavańnie palityčnych kantaktaŭ ź Biełaruśsiu.
Pradstaŭniki MZS adznačyli, što Litva, jak i ŭvieś ES, zacikaŭlena ŭ zachavańni narmalnych dypłamatyčnych adnosin ź Biełaruśsiu i ŭmacavańni supracoŭnictva ŭ ramkach prahramy Uschodniaha partniorstva, adnak narmalizacyja adnosin zaležyć ad dalejšych dziejańniaŭ Minska.