Alaksandr Łukašenka patrabuje vyklučyć usie łaziejki ŭ novych praviłach viadzieńnia palavańnia i rybałoŭstva. Ab hetym jon zajaviŭ siońnia na naradzie ab udaskanaleńni pravił viadzieńnia palaŭničaj haspadarki i palavańnia, rybałoŭnaj haspadarki i rybałoŭstva.
«Praviły pavinny być adnastajnyja dla ŭsich, vyraznyja i zrazumiełyja, nie pakidać prałazu dla niačystych na ruku», — skazaŭ jon.
Łukašenka nahadaŭ, što ŭ hetych metach pa jaho daručeńniu było arhanizavana hramadskaje abmierkavańnie pravił.
Jon padkreśliŭ, što siońnia treba detalova razhledzieć vyniki hetaha abmierkavańnia i prapanavać ludziam takija praviły, jakija najbolš adpaviadali b sučasnym patrabavańniam, što pradjaŭlajucca da palaŭničahaspadarčaj i rybałoŭnaj dziejnaści, sadziejničali pavyšeńniu jaje efiektyŭnaści, papiaredžańniu parušeńniaŭ u hetaj śfiery i najbolš poŭna ŭličvali pažadańni radavych palaŭničych i rybałovaŭ, zrabili b hety vid adpačynku i turyzmu masavym i dastupnym. «Heta značyć usio, što my siońnia prymiem, u asnoŭnym idzie ad samich palaŭničych, rybałovaŭ i ŭ cełym našaha hramadstva», — zaŭvažyŭ jon.
«My ni ŭ jakim razie novymi praviłami nie pavinny nanieści škodu dziaržavie i zabaranić ludziam zajmacca hetymi vidami dziejnaści.Ale kožny čałaviek pavinien razumieć, što, kali my pačniom stralać usich i ŭsio, łavić elektravudačkami, sietkami i inšymi prystasavańniami ŭsio, što varušycca ŭ vadajomach, praz dva hady ni ŭ lasach, ni ŭ vadajomach ničoha nie zastaniecca», — padkreśliŭ jon.
Jon dadaŭ, što hety vid dziejnaści nie źjaŭlajecca najpieršaj nieabchodnaściu dla žyćciadziejnaści čałavieka, a jak zabava i adpačynak, a tamu za heta treba płacić jak palaŭničym, tak i rybałovam. «Kali chtości ŭziaŭ u arendu voziera abo palaŭničuju haspadarku, za heta treba płacić, i niemałyja hrošy. A kab arandatar nie nios strat, jon raźbiarecca, kolki voźmie z tych, chto pryjechaŭ da jaho palavać abo rybačyć», — skazaŭ Łukašenka.
Alaksandr Łukašenka zapatrabavaŭ vieści žestačajšy strohi kantrol za raźviadzieńniem žyvioł:«U nas niama značnych zapasaŭ karysnych vykapniaŭ. Mienavita tamu my pavinny z patrojenaj enierhijaj achoŭvać toje, čym pryroda nadzialiła nas ščodra». Jon nahadaŭ, što ŭ hetych metach byli pryniaty dziaržaŭnyja prahramy raźvićcia palaŭničaj haspadarki i rybahaspadarčaj dziejnaści da 2015 hoda.
«Jak mnie dakładvajuć, prahrama raźvićcia palaŭničaj haspadarki ŭ cełym vykonvajecca i nibyta ŭ nas dadatnaja dynamika pavieličeńnia kolkaści asnoŭnych vidaŭ dzikich žyvioł», — skazaŭ Łukašenka.Jon zaŭvažyŭ, što ŭ toj ža čas, naprykład, u rybałoŭnaj haspadarcy nie ŭsio paśpiachova: zadańni pa łoŭli ryby z pryrodnych vadajomaŭ nie vykonvajucca, u tym liku Viciebskim, Bresckim, Mahiloŭskim abłvykankamami i arhanizacyjami Kiraŭnictva spravami prezidenta, šmat skarhaŭ ź miesc na biezhaspadarčaść, inšyja niedachopy na arandavanych vadajomach. «Naohuł pavinien skazać, što roli miascovych vykanaŭčych i rasparadčych orhanaŭ u pracesach naviadzieńnia paradku i raźvićcia rybałoŭstva da hetaha času nie vidać», — skazaŭ jon.
«Ale što naściarožvaje bolš za ŭsio, dyk heta brakańjerstva i inšyja złačynstvy ŭ hetaj śfiery», — padkreśliŭ Alaksandr Łukašenka.
«Mianie supakojvajuć u spravazdačach: maŭlaŭ, usio stabilizavałasia ŭ palaŭničych haspadarkach, niama pryrostu niebiaśpiečnych parušeńniaŭ. Udumajciesia: pad tysiaču adzinak kanfiskavanaj zbroi, dziasiatki ton niezakonna zdabytaha miasa dzikich žyvioł. A što robicca ŭ rybałoŭstvie?! Kolkaść parušeńniaŭ štohod źmianšajecca, dakładvajuć, i u minułym hodzie zarehistravana ŭsiaho ničoha — 5 tys. vypadkaŭ. Pamnažajcie spakojna na 3, a moža, na 5, i vy budziecie viedać, kolki było hetych parušeńniaŭ, a moža, i na 10. Brakańjerskich sietak kanfiskavali bolš za 300 km, niezakonna zdabytaj ryby zarehistravana 14 t», — adznačyŭ kiraŭnik dziaržavy.
Łukašenka vielmi aburany peŭnaj iniertnaściu pravaachoŭnikaŭ u hetaj śfiery.«Miarkujcie sami. Pieršaja redakcyja pravił była pryniata ŭ 2005 hodzie. Za hety čas u ich dziesiać razoŭ unosilisia źmianieńni. I, niahledziačy na ŭsie hetyja tak zvanyja ŭdaskanaleńni, u niekatorych słužbovych asob, adkaznych za nazvanuju śfieru, chapaje śmiełaści havaryć ab niedachopach dziejučaha zakanadaŭstva, jakija dajuć mahčymaść parušalnikam uchilacca ad adkaznaści. Dyk vy ž stvarali hetyja praviły, dziesiać razoŭ ich źmianiali, i ŭsio roŭna vam čahości nie chapaje», — skazaŭ jon.
«Nieabchodna pakłaści kaniec hetaj ciahaninie i nieraźbiarysie!I nie daj boh paśla taho, jak prezident padpiša ŭkaz ab zaćviardžeńni novych pravił palavańnia i rybałoŭstva, znoŭ uźniknuć dzirki i vy skažacie, što vam nie chapaje zakanadaŭstva, — kryŭdujcie sami na siabie, ad urada da adpaviednych nizavych struktur», — papiaredziŭ Łukašenka.
«My pavinny vyjści na pryniaćcie narmalnych rašeńniaŭ. Nijakaha zhodnictva, tolki dziaržaŭny padychod», — padkreśliŭ Łukašenka, źviartajučysia da prysutnych na naradzie.
Ajcišnika z «Varhiejminha» sudzili pa rasstrelnym artykule. Padobna, za padtrymku Ukrainy — praŭda, zrabić jon ničoha nie paśpieŭ3
Kamientary