Avijakampanija «Rasija» z 16 červienia pačnie latać ź Minska ŭ Sankt-Pieciarburh
Avijakampanija «Rasija» 16 červienia adkryvaje rehularny rejs z Sankt-Pieciarburha (Pułkava) u Nacyjanalny aeraport Minsk, paviedamili ŭ aeraporcie.
Paloty płanujecca vykonvać štodnia na samalotach An-148. Vylet z Pułkava pryznačany na 08.50 pa miascovym časie. Čas u darozie składzie 1 hadzinu 40 chvilin.
«Z adkryćciom pavietranych znosin ź Minskam avijakampanija «Rasija» pašyryć pradstaŭnickuju maršrutnuju sietku ŭ haradach SND: ciapier na našaj karcie palotaŭ źjavicca dvaccać piaty horad i vośmaja kraina blizkaha zamiežža», — paviedamili ŭ avijakampanii.
Adkrytaje akcyjaniernaje tavarystva «Avijakampanija «Rasija» — adna z najbujniejšych u RF i viadučy avijacyjny pieravozčyk ŭ Paŭnočna-Zachodnim rehijonie krainy. Bazirujecca ŭ Sankt-Pieciarburhu i vykonvaje kala 40% usich avijapieravozak z aeraporta Pułkava. Kampanija viadzie svaju historyju z 1934 hoda. Z 2011 AAT «Avijakampanija «Rasija» uvachodzić u hrupu kampanij «Aerafłot», sukupny pasažyrapatok jakoj pa vynikach hoda skłaŭ 20 młn čałaviek.
Kamientary