Maskoŭskaje «Dynama» vyklučyli ź jeŭrakubkaŭ za finansavyja parušeńni
Maskoŭskaje «Dynama» vyklučana ź liku ŭdzielnikaŭ Lihi Jeŭropy nastupnaha siezonu za parušeńni finansavaha fair play. Z 2009 hoda UEFA sočyć za tym, kab kłuby nie dapuskali vialikaha deficytu biudžetu i stanavilisia biasstratnymi.
Jak paviedamili ŭ Sajuzie jeŭrapiejskich futbolnych asacyjacyj, rasijski kłub nie vykanaŭ ni adnaho z šaści punktaŭ, jakija ŭtrymlivajucca ŭ patrabavańniach da biasstratnaści futbolnych kłubaŭ rehłamientu UEFA pa licenzavańni i finansavym fair play (FFP, abo pryncypu sumlennaj hulni z punktu hledžańnia finansavańnia).
Dyskvalifikacyja pakul raspaŭsiudžvajecca na adzin siezon, i «Dynama» zmoža pryniać udzieł u nastupnych jeŭrakubkavych turnirach, kali atrymaje adpaviednuju pucioŭku pa vynikach ŭnutranych spabornictvaŭ i stanoŭčaje zaklučeńnie futbolnych orhanaŭ.
Arbitražnaja pałata inśpiekcyi UEFA pa finansavym kantroli prymaje rašeńni ab tych ci inšych pakarańniach, razhladajučy finansavy stan kłubaŭ za try papiarednija siezony. Pa vynikach troch hadoŭ futbolnyja kłuby pavinny demanstravać dadatnaje salda.
«Na žal, kłub adchileny na adzin siezon ad jeŭrakubkaŭ, — zajaviŭ staršynia savieta dyrektaraŭ «Dynama» Vasil Citoŭ ahienctvu R-Sport. — Štraf nie praduhledžany. Na praciahu troch hadoŭ my budziem adpraŭlać infarmacyju va UEFA na pradmiet taho, jak my vykonvajem FFP».
U piatnicu na mižnarodnym ekanamičnym forumie ŭ Sankt-Pieciarburhu kiraŭnik «VTB» Andrej Kościn paviedamiŭ, što z nastupnaha hoda jaho bank pierastanie naŭprost finansavać futbolny i chakiejny kłuby «Dynama». Zamiest hetaha bank, jaki spansaruje kamandy, budzie pieraličvać hrošy ŭ centralny saviet spartyŭnaha tavarystva «Dynama», jakoje zatym budzie raźmiarkoŭvać srodki pamiž kłubami.
Futbolnaje «Dynama» ŭznačalvaje biznesmen Barys Rotenbierh, a chakiejnaje — jaho brat Arkadź Rotenbierh, siabry Pucina.
Ciapier čytajuć
Ajcišnika z «Varhiejminha» sudzili pa rasstrelnym artykule. Padobna, za padtrymku Ukrainy — praŭda, zrabić jon ničoha nie paśpieŭ2
Kamientary