Ich bolš za try tryljony — i hetaha mała.
Pavodle novaha analizu daśledčykaŭ, na Ziamli 3,04 tryljony dreŭ, raspaviadaje Nature. Mižnarodnaja hrupa navukoŭcaŭ pad kiraŭnictvam Tomasa Kroŭtara ŭdakładniła raniejšyja źviestki z papraŭkaj na ščylnaść lasoŭ.
Raniej mierkavałasia, što na Ziamli pryblizna 400 młrd dreŭ — takija źviestki byli atrymanyja praz spadarožnikavyja zdymki, što dajuć mahčymaść acanić tolki płošču lasoŭ, dy nie ich ščylnaść.
Kroŭtar i kalehi sabrali źviestki naziemnych padlikaŭ z usich kantynientaŭ na ahulnaj płoščy 430 tysiač hiektaraŭ. Viedajučy ščylnaść dreŭ u lasach, daśledčyki ŭnieśli papraŭku ŭ raniejšyja ličby.
Najbolšaj ščylnaściu lasoŭ moža pachvalicca Paŭnočnaja Amieryka, Skandynavija i Rasija — tam raście 750 młrd dreŭ, albo 24% ad ahulnaj kolkaści. U trapičnych i subtrapičnych lasach raście 1,3 trłn dreŭ, albo 43% ad ahulnaj kolkaści, dy ich ščylnaść tam nižejšaja.
Tym nie mieniej, siońniašnich troch tryljonaŭ dreŭ mała dla čałavieka. Jašče 12 tysiač hod tamu, da taho, jak čałaviek pačaŭ zajmacca sielskaj haspadarkaj, dreŭ było na 46% bolš.
Štohod ža ad 3 tryljonaŭ treba adymać 15 miljardaŭ — stolki my źniščajem dla svaich patreb. U mnohich miescach, dzie klimat spryjaje rostu dreŭ, ich užo nie pabačyš — asabliva ŭ ciopłych i vilhotnych rehijonach, dzie haspadarčaja dziejnaść čałavieka litaralna ściraje drevy ź ich ziamli.
Hladzicie taksama: Prosta dreva — novaja zorka Instagram
Ciapier čytajuć
Chrysta Hrozieŭ: ad ramantyka-radyjoamatara da čałavieka, jaki vykryŭ samyja zmročnyja tajamnicy HRU i FSB. Jak jaho vierbavała śpiecsłužba Luksiemburha i jak jon vymušany chavacca ciapier
Kamientary