Lidary dzieviaci krain Uschodniaj i Centralnaj Jeŭropy, a taksama Bałtyjskich dziaržaŭ vykazali krajniuju zaniepakojenaść «ahresiŭnymi pavodzinami» Rasii i vykazalisia za pastajannuju prysutnaść vajennych struktur NATA ŭ rehijonie.
Pra heta havorycca ŭ sumiesnaj dekłaracyi, pryniataj na sustrečy ŭ Buchareście, jakuju rumynskija ŚMI nazvali mini-samitam NATA.
Kiraŭniki ŭschodniejeŭrapiejskich krain zajavili, što jany ćviorda vystupajuć za toje, kab Rasija viarnułasia da pavahi mižnarodnaha prava, a taksama pačatła znoŭ vykonvać uziatyja na siabie abaviazacielstvy. U hetym jany bačać pieradumovu dla adnaŭleńnia adnosin pamiž NATA i RF, zasnavanych na daviery.
Prezident Rumynii Kłaŭs Jachanis zajaviŭ, što ŭdzielniki sustrečy ŭniasuć važki ŭkład u zabieśpiačeńnie hatoŭnaści NATA adkazvać na sučasnyja ryzyki i pahrozy, u pieršuju čarhu z Uschodu, ale i z Poŭdnia taksama.
Pavodle jaho słoŭ, aljans sutykajecca z roznymi vyklikami ad Čornaha da Bałtyjskaha mora.
Uschodnija siabry aljansu abaviazalisia abjadnać namahańni z metaj zabieśpiačeńnia mahutnaj, nadziejnaj i pastajannaj prysutnaści vajennych sił NATA ŭ rehijonie.
U aŭtorak polski prezident Andžej Duda na sustrečy z rumynskim kaleham Kłaŭsam Jachanisam zajaviŭ, što jaho kraina nastrojenaja na pavieličeńnie kolkaści i bajavoj mocy vojskaŭ NATA, jakija znachodziacca ŭ Polščy pa ratacyi, paviedamiła Radio Poland.
Jon raźličvaje, što ŭ dalejšym na polskaj terytoryi budzie bazavacca pastajanny kantynhient sajuźnikaŭ.
Nastupny samit błoka zapłanavany na 8-9 lipienia 2016 hoda ŭ Varšavie.
Ciapier čytajuć
Łukašenka nazvaŭ patrabavańni i pretenzii da Litvy: alternatyŭny ŭrad, charuhvy, port, mašyny dla Zimbabve, sanatoryj47
Łukašenka nazvaŭ patrabavańni i pretenzii da Litvy: alternatyŭny ŭrad, charuhvy, port, mašyny dla Zimbabve, sanatoryj
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju1717
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju17
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy2424
Kamientary