Bieraściejskija aktyvisty prachodziać padazravanymi pa spravie ab abrazie Łukašenki
Bresckaha aktyvista «Jeŭrapiejskaj Biełarusi» Andreja Šarendu, a taksama jaho žonku Palinu Šarendu-Panasiuk pieraviali ŭ status padazravanych pa spravie ab vyviešanym banery z abrazaj Alaksandra Łukašenki.
Pra heta raspavioŭ sam aktyvist:
«Adrazu chaču skazać, što hetaja sprava abrastaje ŭsio bolš fantastyčnymi padrabiaznaściami. U hetaj falšyŭcy ad uładaŭ stanovicca ŭsio bolš niedarečnych niestykovak. Tak, nas z žonkaj byccam by padazrajuć pavodle adnoj i toj ža spravy, ale siońnia raptam vyjaviłasia, što ja «abražaŭ» Łukašenku 16 lutaha, a maja žonka — 17 lutaha. Pryčym rabiłasia heta nibyta nami z dapamohaj adnoj i toj ža raściažki ŭ adnym i tym ža miescy. Pry hetym «śviedka» zajaviŭ, što raściažku ja vyviešvaŭ nibyta sam. Ciapier niezrazumieła: my pavodle adnoj spravy padazravanyja ci pavodle roznych?
Zrešty, usio pa paradku. U kabiniecie śledčaha ŭžo znachodziŭsia toj samy łžyvy śviedka, inakš nazvać jaho nie mahu, jaki ahavaryŭ i maju žonku — Ihar Leaniuk. Taksama tudy zaprasili studentaŭ ź internata, jaki znachodzicca pa susiedstvie. Jany byli hadoŭ na 10—15 małodšymi za mianie i zusim inšaj kamplekcyi.
Adnak «śviedka» adrazu ž zajaviŭ, što «apaznaŭ mianie pa ščacińni» i što heta nibyta ja sam «vyviešvaŭ» i sam «fatahrafavaŭ» raściažku «Łukašenka, ty ŭrod! Hodzie rabavać naš narod!».
Dalej jon pačaŭ błytacca ŭ datach. Pieršapačatkova mierkavałasia, što ja nibyta «vyviesiŭ» hety banier 17 lutaha. Na pytańnie śledčaha, čym ja zajmaŭsia ŭ hety dzień, ja ščyra adkazaŭ: byŭ na Maršy aburanych biełarusaŭ u Miensku. Paśla hetaha «śviedka» pačaŭ śćviardžać, što bačyŭ, jak ja «vyviešvaŭ» hetuju raściažku 16 lutaha. I tak heta i pajšło ŭ spravu, u jakoj ja ŭžo staŭ fihuravać jak «padazravany». Prosta śmiešna stanovicca ad taho, jak jany na chadu pačali pierarablać hetuju «spravu».
Ciapier čytajuć
Ajcišnika z «Varhiejminha» sudzili pa rasstrelnym artykule. Padobna, za padtrymku Ukrainy — praŭda, zrabić jon ničoha nie paśpieŭ2
Kamientary