Budučynia enierhietyki — za prazrystymi soniečnymi panelami zamiest voknaŭ. Što heta?
Ideja vynachodnictva takich soniečnych batarej, jakija b byli absalutna prazrystymi i ŭstaloŭvalisia zamiest zvyčajnych voknaŭ, łunała ŭ pavietry davoli daŭno. Ujavicie, nakolki takaja technałohija vyhadnaja ŭ sučasnych miehapolisach ź ich šklanymi chmaračosami. Heta značna bolš łahična i bolš praktyčna, čym vykładać dach ciažkimi tradycyjnymi soniečnymi panelami, tym samym stvarajučy dadatkovuju nahruzku na kanstrukcyi budynka.
Niekalki hadoŭ tamu ŭsio heta stała realnaściu. Na siońniašni dzień isnujuć dva vidy śviatłoprazrystych soniečnych panelej: umoŭna prazrystyja i całkam prazrystyja. Umoŭna prazrystyja paneli pradstaŭlenyja ŭ vyhladzie plonki i pryznačanyja dla nalepvańnia na prazrystyja kanstrukcyi. Ichniaja śviatłoprapuskalnaja zdolnaść dasiahaje 70%, što faktyčna nie adbivajecca na ŭzroŭni aśvietlenaści pamiaškańnia. Stvarajucca takija plonki z hnutkaha kampazitnaha materyjału, padobnaha da płastyku, i nahadvajuć zvyčajnuju tanirovačnuju plonku dla aŭtamabila.
A ŭ 2013 hodzie navukoŭcam ź Mičyhanskaha ŭniviersiteta atrymałasia stvaryć maksimalna prazrystyja soniečnyja paneli, jakija ciažka adroźnić ad zvyčajnaha škła.
Raniej nie ŭdavałasia stvaryć nastolki prazrysty materyjał dla soniečnych batarej, bo dla atrymańnia elektryčnaści soniečnaja panel pavinna ŭłoŭlivać fatony, jakija buduć hienieravać enierhiju.
U novym ža materyjale vykarystoŭvajecca technałohija «soniečnaha kancentratara». Arhaničnyja soli, jakija ŭ im źmiaščajucca, pahłynajuć niabačnaje voku ultrafijaletavaje i infračyrvonaje vypramieńvańnie, jakoje, adlustroŭvajučysia ad unutranych płoskaściaŭ paneli, pranikaje da jaje tarcoŭ. Tam jaho sustrakajuć vuzkija pałoski z zvyčajnych soniečnych panelaŭ, jakija i pahłynajuć śviatło, vyłučajučy enierhiju.
Kvantavy vychad novych soniečnych batarej nie vielmi vialiki: jany pieraŭtvarajuć u elektryčnaść tolki kala 7% pahłynutaj enierhii. Rekordnaja ž na siońniašni dzień efiektyŭnaść zvyčajnych fotaelemientaŭ składaje 44%. Adnak amierykanskija navukoŭcy, padličyŭšy kolkaść šklanych chmaračosaŭ pa ŭsioj krainie, a taksama ŭličyŭšy inšyja mahčymyja miescy raźmiaščeńnia takich panelaŭ, pryjšli da vysnovy, što kala 40% usioj patrebnaj ZŠA elektraenierhii moža być zdabyta mienavita takim šlacham.
Ciapier čytajuć
«U nas usie razmaŭlajuć na ruskaj movie». Dziciačy centr nie ŭziaŭ na pracu žančynu, bo jana razmaŭlaje pa-biełarusku6
«U nas usie razmaŭlajuć na ruskaj movie». Dziciačy centr nie ŭziaŭ na pracu žančynu, bo jana razmaŭlaje pa-biełarusku
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary