Siońnia Aleh Hajdukievič paviedamiŭ, što źbirajecca vyłučacca na nastupnych prezidenckich vybarach. Taksama jon vykazaŭ dumku, što idealnym kandydatam ad apazicyi była b deputat Hanna Kanapackaja, zaznačaje Radyjo Svaboda.
«Biezumoŭna, važna, chto budzie ŭdzielničać u prezidenckich vybarach, — skazaŭ Aleh Hajdukievič. — U 2015 hodzie nichto z apazicyi nie sabraŭ 100 tysiač podpisaŭ. A ciapier budzie jašče horš z podpisami, spadziavacca, jak heta było raniej — što ŭłady zapluščać vočy na sapraŭdnaść podpisaŭ — nie vielmi pravilna. Na moj pohlad, najlepšym kandydatam ad apazicyi była b Hanna Kanapackaja. Jana ž stała deputatam! Dyk vyłučajcie jaje kandydatam u prezidenty. A to Pravacentrysckaja kaalicyja šukaje kandydata — navošta jaho šukać, kali jon užo jość?»
Taksama Aleh Hajdukievič ličyć, što alternatyvaj Kanapackaj mahła b stać Alena Anisim. «Ja nie viedaju, ci choča jana bałatavacca ŭ prezidenty, ale razhladać hetuju fihuru taksama nieabchodna», — adznačyŭ jon.
Ciapier čytajuć
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy1919
Kamientary