«Makiej patelefanavaŭ u Vašynhton, kab paviedamić, što Biełaruś źnimaje abmiežavańni na kolkaść dypłamataŭ ZŠA ŭ Minsku»
Ministr zamiežnych spraŭ Biełarusi Uładzimir Makiej 10 studzienia painfarmavaŭ Vašynhton ab źniaćci abmiežavańniaŭ na kolkaść amierykanskich dypłamataŭ u Minsku, paviedamlaje amierykanski časopis Foreign Policy. Vydańnie nazyvaje heta «dypłamatyčnym praryvam».
Dypłamatyčnyja kantakty dźviuch krain byli źviedzienyja da minimumu ŭ 2008 hodzie, paśla taho jak ZŠA ŭviali sankcyi suprać Biełarusi za parušeńni pravoŭ čałavieka. Alaksandr Łukašenka tady abvinavaciŭ amierykanskaje pasolstva ŭ Minsku ŭ padryŭnoj dziejnaści. Minsk adklikaŭ pasła z Vašynhtona, abmiežavaŭ kolkaść amierykanskich dypłamataŭ u Minsku da piaci. Pierad tym ich było 32, i heta standartnaja kolkaść dla amierykanskich pradstaŭnictvaŭ u krainie pamieru Biełarusi. Voś užo 10 hadoŭ, jak pasolstvy dźviuch krain uznačalvajuć časovyja pavieranyja.
Foreign Policy piša, što pra rašeńnie Minska Uładzimir Makiej paviedamiŭ pa telefonie pamočniku dziaržsakratara ZŠA pa jeŭrapiejskich i jeŭrazijskich spravach Uesu Mitčełu ŭ čaćvier, 10 studzienia. Uranku čaćviarha, nahadajem, u Alaksandra Łukašenki adbyłasia narada pa pytańniach ekanomiki i adnosin z Rasijaj.
Na joj Alaksandr Łukašenka zajaviŭ, što, kali rasijskaje kiraŭnictva praciahnie iści svaim kursam, jano stracić adzinaha sajuźnika na zachodnim kirunku.
«Heta vialiki krok. Heta pačatak adlihi»,— skazaŭ Foreign Policy nienazvany amierykanski čynoŭnik.
Ues Mitčeł pryjazdžaŭ u Minsk u kastryčniku 2018 hoda. U tym ža miesiacy jon zajaviŭ: «Siońnia nacyjanalny suvierenitet i terytaryjalnaja cełasnaść pryhraničnych dziaržaŭ, takich jak Ukraina, Hruzija i navat Biełaruś, źjaŭlajucca tym nadziejnym bastyjonam, jaki abaraniaje ad rasiejskaha nieaimpieryjalizmu».
Biełaruskaje aficyjnaje ahienctva BiełTA i pres-słužba MZS pakul nijak nie paviedamili pra hetuju navinu.
U minskim mietro prachodziać vyprabavańni novyja ciahniki FOTY3
U minskim mietro prachodziać vyprabavańni novyja ciahniki FOTY
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju1919
Kamientary