«Drajvova». Bolš za 10 tysiač čałaviek pabyvali na «Mova Feście» ŭ Minsku VIDEA
Ciaham dnia patoki ludziej ciakli praz prastoru OK16, dzie adbyvaŭsia «Mova Fest».
Fest byŭ pryśviečany Mižnarodnamu dniu rodnaj movy.
Pavodle acenki «Našaj Nivy», kolkaść udzielnikaŭ pieravysiła 10 tysiač. Na ŭvachodzie pieryjadyčna ŭźnikali čerhi.
U łoftavych interjerach kulturnaha chaba, raźmieščanaha ŭ byłych zavodskich karpusach na Kastryčnickaj vulicy, dziejničaŭ kirmaš, dziciačyja placoŭki, adbyvalisia intelektualnyja dyskusii, vystupali muzyki. Na padvorku pradavali ježu.
Niekalki socień siamiej prajšli praź dziciačyja placoŭki, arhanizavanyja časopisami «Dudu» i «Aściarožna: dzieci!» Aleś Kudrycki vučyŭ małych lapić hierojaŭ Płastylandyi, Hanna Ramanoŭskaja i Raman Tarasievič — malavać hierojaŭ biełaruskamoŭnych komiksaŭ.
«Mnie padabajecca tut, bo tut drajvova», — skazała «Našaj Nivie» studentka Julija Kušniarevič, jakaja pryjšła na fest ź siabroŭkaj.
U hetyja chviliny na «Mova Feście» praciahvajecca kancert. Voś žyvy videastrym z OK16:
«Mova Fest» arhanizavała «Art Siadziba», hrošy na fest achviaravali roznyja biznesy, siarod jakich brovar «Alivaryja» — udzielnikaŭ ščodra paili kvasam, — bank «Dabrabyt», partał prodažaŭ nieruchomaści Realt.by, bukmiekierskaje ahienctva Leon. Fest padtrymali taksama niezaležnyja nacyjanalnyja ŚMI.
Čytajcie taksama: U Minsku prachodzić «Mova Fest» da Mižnarodnaha dnia rodnaj movy. FOTY
Ciapier čytajuć
Łukašenka nazvaŭ patrabavańni i pretenzii da Litvy: alternatyŭny ŭrad, charuhvy, port, mašyny dla Zimbabve, sanatoryj58
Łukašenka nazvaŭ patrabavańni i pretenzii da Litvy: alternatyŭny ŭrad, charuhvy, port, mašyny dla Zimbabve, sanatoryj
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju1717
Kamientary