U balnicy ŭ Minsku pamior Anatol Tarejeŭ, načalnik adździeła aptyčnych sistem pradpryjemstva «Pielenh», jakoje ŭvachodzić u skład Dziaržaŭnaha vajskova-pramysłovaha kompleksa Biełarusi.
Infarmacyju pra jaho śmierć paćvierdzili «Našaj Nivie» svajaki Tarejeva.
Pieršapačatkova Tarejeva zabrali ź pnieŭmanijaj, jon pravioŭ u minskaj rajonnaj centralnaj balnicy ŭ Baraŭlanach kala troch tydniaŭ. Amal adrazu stan mužčyny pahoršyŭsia: 5 krasavika jon pastupiŭ u balnicu, a ŭžo praz try dni Tarejeva padklučyli da aparata ŠVŁ. Ale vyratavać tak i nie zmahli, 27 krasavika navukoviec pamior.
Aficyjnaha zaklučeńnia ab śmierci pakul niama. Ale svajaki kažuć, što Tarejevu rabili test na karanavirus i jon byŭ stanoŭčym. Pa słovach svajakoŭ, nijakich surjoznych chraničnych zachvorvańniaŭ Tarejeŭ nie mieŭ.
«Tak, u baćki byŭ karanavirus, — paviedamiła «Našaj Nivie» Taćciana, dačka Tarejeva. — Tamu raźvitańnia nie budzie, budziem chavać u zakrytaj trunie. Pachavańnie adbudziecca ŭ čaćvier, 30 krasavika».
U bazie patentaŭ Biełarusi na imia Anatola Tarejeva zarehistravana bolš za 100 adzinak. Jon zajmaŭsia łaziernymi prycełami.
Ajcišnika z «Varhiejminha» sudzili pa rasstrelnym artykule. Padobna, za padtrymku Ukrainy — praŭda, zrabić jon ničoha nie paśpieŭ3
Kamientary