Žychara Homiela z karanavirusam vyklikali na sud za padtrymku Cichanoŭskaha
10 červienia pryznačana pasiedžańnie ŭ sudzie pa administracyjnaj spravie ŭ dačynieńni žychara Homiela Vitala Smoliča. Jaho chočuć sudzić za ŭdzieł u akcyi padtrymki Siarhieja Cichanoŭskaha 7 maja, piša Radyjo Svaboda.
U Vitala — paćvierdžany karanavirus. Vital byŭ špitalizavany ŭ balnicu chutkaj miedycynskaj dapamohi z chvarobaj serca. Tudy jamu prychodzili SMS z suda z patrabavańniem źjavicca dla razhladu spravy.
«Ja adkazvaŭ im, što nie mahu pryjści, bo lažu ŭ špitali. Mnie z suda dasłali adkaz pa SMS, što nie mohuć znajści mianie pa telefonie. U niadzielu mnie pryjšoŭ stanoŭčy test na karanavirus, i mianie vypisali dachaty. I znoŭ pryjšła SMS, kab ja 10 červienia źjaviŭsia na sud», — raskazaŭ Svabodzie Smolič. Jon kaža, što i nie viedaŭ pra administracyjny pratakoł, a pra sud daviedaŭsia tolki z SMS.
«Nu naturalna ja nikudy nie pajdu z karanavirusam», — dadaŭ aktyvist.
Paśla akcyi 7 maja ŭ Homieli supracoŭniki AMAP zatrymali 20 čałaviek. 6 udzielnikaŭ akcyi byli pakaranyja aryštam terminam na 15 sutak — Jury Ułasaŭ, Ivan Ramiazoŭski, Vital Hryckoŭ, Dźmitryj Łukomski, Siarhiej Masłaŭ i Alaksiej Dumiankoŭ. Astatnija atrymali štrafy — sumarna 1998 rubloŭ.
Siońnia ŭ sudzie Centralnaha rajona projdzie čarhovaje pasiedžańnie za akcyju 7 maja. Buduć sudzić Ału Hrečka, siabra inicyjatyŭnaj hrupy Śviatłany Cichanoŭskaj.
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy1919
Kamientary