Pieršy palitviazień u Pietrykavie. 23-hadovy chłopiec zaklikaŭ pomścić za źbitych siostraŭ
Na minułym tydni pres-słužba MUS paviedamiła, što ŭ Pietrykavie zatrymali maładoha čałavieka, jaki vykazaŭ słovy nianaviści da ŭłady i zaklikaŭ pomścić AMAPu za źbitych siostraŭ.
23-hadovaha chłopca ŭziali pad vartu. Taksama było pakazana videa, dzie maładzion pryznajecca, što jon sapraŭdy napisaŭ hety post u instahramie, a taksama ŭ tym, što pierad napisańniem postu jon užyvaŭ ałkahol i, maŭlaŭ, na ćviarozuju hałavu jon inakš usprymaje situacyju.
Vinavaciać chłopca ŭ raspalvańni rasavaj, nacyjanalnaj, relihijnaj albo inšaj sacyjalnaj varažniečy (častka 1 artykuła 130 Kryminalnaha kodeksa). Maksimalnaje pakarańnie pavodle hetaha artykuła — pazbaŭleńnie voli da piaci hadoŭ.
Pravaabaroncy daviedalisia, što imia zatrymanaha Uładzisłaŭ Cimaščuk.
Jon ros ŭ Pietrykavie, vučyŭsia ŭ Biełaruskim dziaržaŭnym technałahičnym univiersitecie, ale, nie skončyŭšy jaho, źjechaŭ u Maskvu. Tam jon pracavaŭ u roznych śfierach, a potym skončyŭ kursy barbieršopieraŭ. Praź niekalki hod viarnuŭsia ŭ Pietrykaŭ. Pačaŭ rabić modnyja fryzury, a paśla stvaryŭ pieršy ŭ pravincyjnym horadzie barbieršop, dzie sam pracavaŭ až da źniavoleńnia. Uładzisłaŭ zachaplajecca padarožžami. Žyŭ Uładzisłaŭ u babuli, dapamahaŭ joj u haspadarcy.
Ciapier čytajuć
Ajcišnika z «Varhiejminha» sudzili pa rasstrelnym artykule. Padobna, za padtrymku Ukrainy — praŭda, zrabić jon ničoha nie paśpieŭ2
Kamientary