Minčanka atrymała dva hady chatniaj chimii za emodzi z apuščanym uniz vialikim palcam pad dopisam pra načalnika z Maładziečna
Minčanku asudzili da dvuch hadoŭ «chatniaj chimii» za emodzi ŭ vyhladzie apuščanaha ŭniz vialikaha palca i vydalenuju abrazu ŭ «Adnakłaśnikach» u dačynieńni da načalnika Maładziečanskaha RAUS Vadzima Pryhary, pieradaje «Viasna».
U sudzie Savieckaha rajona Minska 19 žniŭnia da dvuch hadoŭ «chatniaj chimii» pavodle artykuła 369 («Abraza pradstaŭnika ŭłady») asudzili Volhu Varyvončyk. Sudździa Siarhiej Šaciła abvinavaciŭ jaje ŭ abrazie načalnika Maładziečanskaha RAUS Vadzima Pryhary ŭ «Adnakłaśnikach» pad dopisam Volhi Karač. Da abrazy pryraŭniali kamientar žančyny z «palcami ŭniz», a taksama abrazu, jakuju Volha vydaliła i na sudzie nie ahučyli.
Na sud paciarpieły nie źjaviŭsia, tamu začytali jaho pakazańni, dadzienyja padčas śledstva. Pryhara raspavioŭ, što pra post daviedaŭsia 9 červienia ad svajoj žonki. Jak načalnik RAUS, jon kaardynuje pracu supracoŭnikaŭ, asabista zahadaŭ ab zatrymańniach nie addavaŭ. Ličyć, što metaj kamientaroŭ i dopisu było prynizić jaho i dyskredytavać pracu RAUS, na dumku milicyjanta, jamu byli pryčynienyja psichałahičnyja pakuty.
Ajcišnika z «Varhiejminha» sudzili pa rasstrelnym artykule. Padobna, za padtrymku Ukrainy — praŭda, zrabić jon ničoha nie paśpieŭ4
Kamientary