Syn Džona Lenana ŭpieršyniu publična praśpiavaŭ «Imagine» dziela dapamohi Ukrainie VIDEA
Syn adnaho z zasnavalnikaŭ hurta Beatles Džona Lenana —Džulijan Lenan — upieršyniu vykanaŭ pieśniu baćki «Imagine». Videa jon apublikavaŭ u sacsietkach, padtrymaŭšy kampaniju Stand Up for Ukraine.
«Vajna na Ukrainie — heta niaŭjaŭnaja trahiedyja… Jak čałaviek i jak mastak, ja adčuvaŭ siabie abaviazanym adreahavać samym značnym čynam, na jaki ja byŭ zdolny.
Ja zaŭsiody kazaŭ, što adzinym razam, kali ja zadumaŭsia b pra toje, kab praśpiavać «Imagine», byŭ by kaniec śvietu…
Tekst pieśni adlustroŭvaje naša kalektyŭnaje imknieńnie da miru va ŭsim śviecie. Tamu što ŭ joj my pieranosimsia ŭ prastoru, dzie luboŭ i jadnańnie stanoviacca našaj realnaściu, choć by na imhnieńnie…
Pieśnia adlustroŭvaje śviatło ŭ kancy tunela, na jaki my ŭsie spadziajemsia…
U vyniku krovapralitnaha hvałtu miljony ni ŭ čym nie vinavatych siemjaŭ byli vymušanyja pakinuć utulnyja damy i šukać prytułku ŭ inšych miescach.
Ja zaklikaju suśvietnych lidaraŭ i ŭsich, chto vieryć u pačućci, stać na abaronu biežancaŭ paŭsiul! Kali łaska, abaraniajcie i achviarujcie ad usiaho serca», — zajaviŭ Džulijan Lenan.
Kamientary