Pakłonskaja: Litara Z simvalizuje trahiedyju i hora jak dla Rasii, tak i dla Ukrainy
Natalla Pakłonskaja — namieśnica kiraŭnika Rassupracoŭnictva, byłaja prakurorka Kryma i deputat Dziarždumy ad «Adzinaj Rasii» — ličyć, što litara Z źjaŭlajecca simvałam «trahiedyi i hora». Pra heta Pakłonskaja zajaviła ŭ efiry jutiub-kanała «Živoj hvozd́», jaki viaduć žurnalisty zakrytaha «Echa Moskvy», pieradaje «Miaduza».
«Hetaja litara Z simvalizuje trahiedyju i hora jak dla Rasii, tak i dla Ukrainy. Čamu? Dy tamu što hinuć i ruskija sałdaty, rasijanie, i baćki atrymlivajuć roznyja viestki. Heta — biada. Bo ministerstva abarony havoryć, stolki zahinuła, stolki paranienych. Niaŭžo heta radaść? Nie», — skazała jana.
Adkazvajučy na pytańnie, što važniejšaje — «dziaržava abo asoba» i što bolš kaštoŭnaje — «pieramoha nad ukrainskim nacyzmam, jaki nibyta isnuje, abo kaštoŭnaść čałaviečaha žyćcia», Pakłonskaja zajaviła, što dla jaje «važniejšaja asoba, čałaviek, prosta čałaviek».
«Kali paraŭnoŭvać zakon, spačuvańnie i miłasernaść, ja vybiraju miłasernaść. Siońnia jaje nie chapaje vielmi mocna. <…> I treba razumieć, što ludzi ŭsiudy. I dla ŭsiaho čałaviectva kaštoŭnaść — heta zachavańnie miru, biaśpieki, paradku, dabra, lubovi», — skazała Pakłonskaja.
Litara Z stała hałoŭnym simvałam rasijskaha ŭvarvańnia va Ukrainu. Jaje ličać svastykaj novaha času.
Raniej Pakłonskaja nazvała ŭvarvańnie va Ukrainu «katastrofaj» i ŭdzielničała ŭ pieradačy rasijskaj humanitarnaj dapamohi žycharam zachoplenych rehijonaŭ.
«Usiaho za tydzień litara Z stała simvałam novaha rasijskaha tatalitaryzmu». Što značyć Z, jakuju nazyvajuć novaj svastykaj?
Chto ž prydumaŭ markiroŭku litaraj Z dla rasijskaj vajskovaj techniki
Ciapier čytajuć
Chto taki Michaił Miachovič — siłavik, jaki viadzie kanał HUBAZiKa i adkazvaje za prabiŭ ludziej19
Kamientary