Viačorka: Zaklik Cichanoŭskaj sadziejničaŭ chvali salidarnaści dla vyzvaleńnia hurta «Bi-2»
Pres-słužba demlidara adznačaje, što zaklik Cichanoŭskaj nie dapuścić departacyi «Bi-2» u Rasiju cytavali mižnarodnyja i tajłandskija ŚMI.
Śviatłana Cichanoŭskaja była adnym ź pieršych palitykaŭ, jakija źviarnuli ŭvahu na situacyju vakoł hurta biełaruskaha pachodžańnia «Bi-2» u Tajłandzie, jana publična i niepublična zaklikała da vyzvaleńnia muzykaŭ. Pra heta paviedamiŭ «Pozirku» hałoŭny daradca demakratyčnaha lidara Franak Viačorka.
Pavodle jaho słoŭ, dziakujučy ŭ tym liku Cichanoŭskaj udałosia zapuścić chvalu salidarnaści dla vyzvaleńnia artystaŭ, ofis byŭ na suviazi z dypłamatami šerahu krain. «Ciapier muzykanty ŭ Tel-Avivie, my ŭsie vielmi rady ich vyzvaleńniu», — skazaŭ Viačorka.
Pres-słužba demlidara adznačaje, što zaklik Cichanoŭskaj nie dapuścić departacyi «Bi-2» u Rasiju cytavali mižnarodnyja i tajłandskija ŚMI.
24 studzienia siemiarych muzykaŭ «Bi-2» zatrymali ŭ Tajłandzie na vostravie Pchukiet paśla kancerta. Pryčynaj staŭ niapravilny typ viz, pa jakich hrupa zajechała ŭ krainu: turystyčnaja, a nie pracoŭnaja. Artystaŭ źmiaścili ŭ centr utrymańnia mihracyjnaj palicyi vostrava Pchukiet. Arhanizatar hastrolaŭ — kampanija VPI Event Co., Ltd — pryznaŭ pamyłku.
Ciapier čytajuć
Pamiatajecie čynoŭnika, jakoha kreatyŭna admazali ad zabojstva čałavieka na palavańni? Jon admazaŭsia znoŭ5
Kamientary