Šviedskaje telebačańnie atrymała zdymki, jakija pakazvajuć raźvićcio jadziernaj bazy ŭ Asipovičach i ŭ Kalininhradzie
Šviedskaje hramadskaje telebačańnie SVT apublikavała spadarožnikavyja zdymki, što śviedčać pra aktyŭnuju madernizacyju rasijskich jadziernych abjektaŭ u Biełarusi i inšych rehijonaŭ, blizkich da ES.
Siarod hałoŭnych abjektaŭ, što pryciahnuli ŭvahu žurnalistaŭ i ekśpiertaŭ, — vajskovaja baza ŭ Asipovičach. Pavodle danych SVT, na terytoryi bazy adbyvajecca madernizacyja savieckaha schovišča jadziernaj zbroi:
vakoł zbudavańnia ŭźviedziena try ŭzroŭni aharodžaŭ, ustalavana novaja płatforma dla čyhunačnych pastavak hruzaŭ, a taksama sistemy supraćpavietranaj abarony.
Pra heta paviedamlajuć jadziernyja daśledčyki z amierykanskaj arhanizacyi FAS (Federation of American Scientists), na jakich spasyłajecca SVT.
Takim čynam, Asipovičy pieraŭtvarajucca ŭ adnu z klučavych kropak jadziernaj infrastruktury Rasii pa-za miežami jaje terytoryi. Heta značyć, što Biełaruś stanovicca nie prosta sajuźnikam Rasii, a častkaj jaje jadziernaha kantynhientu, što niasie ryzyku nie tolki dla rehijona, ale i dla samoj krainy — bo robić jaje mišeńniu ŭ vypadku kanfliktu.
Akramia Asipovičaŭ, šviedskija žurnalisty zhadvajuć Kalininhrad, dzie, zhodna ź infarmacyjaj polskaha ŭrada, užo moža zachoŭvacca da 100 adzinak taktyčnaj jadziernaj zbroi.
Na Novaj Ziamli ŭzvodziacca novyja budynki, a na Kolskim paŭvostravie budujuć dziasiatki bunkieraŭ dla rakiet padvodnych łodak.
Ministr abarony Šviecyi Poł Jonsan adznačaje, što Rasija raźvivaje nie tolki infrastrukturu, ale i jadziernuju daktrynu, źnižajučy paroh dla pahroz.
Z momantu pačatku poŭnamaštabnaj vajny va Ukrainie, pa jaho słovach, Rasija bolš za 200 razoŭ vykarystoŭvała jadziernuju rytoryku na roznych uzroŭniach.
Pavodle mižnarodnych ekśpiertaŭ, Kreml metanakiravana vykarystoŭvaje strach Zachadu pierad jadziernaj zbrojaj jak instrumient palityčnaha cisku.
Chto taki Michaił Miachovič — siłavik, jaki viadzie kanał HUBAZiKa i adkazvaje za prabiŭ ludziej20
Kamientary