Za studzień—krasavik 2025 hoda realnyja hrašovyja dachody nasielnictva Biełarusi pavialičylisia na 10,8% u paraŭnańni z anałahičnym pieryjadam minułaha hoda. Pra heta paviedamiŭ Biełstat.
Adnak tempy rostu źnižajucca: u studzieni rost skłaŭ 13,8%, u studzieni-lutym — 12,5%, u studzieni-sakaviku — 12%. Značyć, ciapier nazirajecca dalejšaje zamarudžańnie rostu — jašče na 1,2 pracentnaha punkta.
U struktury dachodaŭ najbolšuju častku zajmaje apłata pracy — 64,9%. Piensii, dapamohi, stypiendyi i inšyja sacyjalnyja vypłaty składajuć 22,3%. Pradprymalnickaja dziejnaść prynosić 7,5% dachodaŭ, a dachody ad majomaści i inšyja — 5,3%.
Realnyja dachody nasielnictva — heta hrošy, jakija zastajucca paśla vypłaty padatkaŭ i zboraŭ, z ulikam upłyvu inflacyi.
Chto taki Michaił Miachovič — siłavik, jaki viadzie kanał HUBAZiKa i adkazvaje za prabiŭ ludziej20
Kamientary