Pamiatajecie dziaŭčynu, jakaja płanavała pajechać na «Mis Suśviet», a jaje aryštavali? Jana ŭžo na svabodzie
«Pieramožcaŭ nie sudziać» — napisała ŭ instahramie Karyna Kisialova, jakaja źbirałasia stać pieršaj pradstaŭnicaj Biełarusi na konkursie pryhažości «Mis Suśviet», ale trapiła za kraty.
Letaś u nacyjanalnym etapie konkursu «Mis Suśviet» u Biełarusi pieramahła Karyna Kisialova. ŚMI pisali, što dziaŭčyna rodam ź Biełarusi, ale žyvie na dźvie stalicy — Minsk i Maskvu. Darečy, u Rasii jana skončyła Maskoŭski avijacyjny instytut pa śpiecyjalnaści «pijar i suviazi z hramadskaściu». Aktyŭna ŭdzielničała ŭ roznych mižnarodnych konkursach pryhažości — była na «Mis Eka Internešnł», «Mis Ziamla» i inšych.
Jašče 21 vieraśnia 2024 hoda Karyna pakazvała ŭ svaim instahramie, jak ź inšymi kankursantkami naviedvała Červieński sacyjalny pansijanat «Śviet dabryni». A praz tydzień dziaŭčyna nie biez honaru napisała, što stanie pieršaadkryvalnicaj «Mis Suśviet» dla Biełarusi.
Ale ž dalej pačało adbyvacca dziŭnaje. Karyna vydaliła toj dopis, u statusie paznačyła, što vielmi stamiłasia… Źnik instahram-akaŭnt missuniverse_belarus, dzie publikavalisia zdymki z konkursu pryhažości. A ŭ chutkim časie źnikła i sama Karyna.
Telefon pryhažuni byŭ adklučany, u sacyjalnych sietkach jana nie źjaŭlałasia z pačatku kastryčnika 2024 hoda.
Na konkurs «Mis Suśviet» zamiest jaje palacieła Eleanora Kačałoŭskaja.
Padpisčyki Karyny Kisialovaj (u instahramie jana maje bolš za 12 tysiač fałovieraŭ) pačali cikavicca, što adbyłosia.
«Naša Niva» tady daviedałasia, što Karyna ŭ SIZA ŭ Kaladzičach, ale sprava była nie palityčnaja. Jak paviedamlali znajomyja ź situacyjaj, dziaŭčyna sama i arhanizavała toj konkurs «Mis Suśviet Biełaruś», u jakim pieramahła. Da hetaha ŭźnikli pytańni. Pa infarmacyi insajdaraŭ, Karyna apynułasia pad śledstvam za machlarstva (art. 209), a taksama za suteniorstva. Nazva artykuła niezrazumiełaja — ci to ŭciahvańnie ŭ prastytucyju (art. 171-1), ci to arhanizacyja prastytucyi (art. 171).
Aficyjna pra zatrymańnie dziaŭčyna i skandał vakoł konkursu ničoha nie paviedamlałasia.
Ale Łukašenka ŭ chutkim časie padpisaŭ ukaz «Ab pradstaŭleńni Respubliki Biełaruś na mižnarodnych mierapryjemstvach». Zhodna z dakumientam, z 1 sakavika 2025 hoda vykarystoŭvać słovy «Respublika Biełaruś», «Biełaruś», «nacyjanalny», «biełaruski» ŭ nazvach kulturnych, spartyŭnych i adukacyjnych konkursaŭ, dzie adbirajuć pradstaŭnika ad Biełarusi na mižnarodnyja mierapryjemstvy, možna tolki ŭ tym vypadku, kali arhanizataram vystupaje dziaržaŭnaja arhanizacyja.
Nacyjanalnaj škole pryhažości nadali status adzinaha kaardynatara pa arhanizacyi i praviadzieńni «Mis Biełaruś», adboraŭ pradstaŭnikoŭ krainy dla ŭdziełu ŭ mižnarodnych konkursach pryhažości.
Ciapier Karyna Kisialova vyjšła ź SIZA. Jana źjaviłasia ŭ instahramie i pastaviła novy status: «Pieramožcaŭ nie sudziać».
Miarkujučy pa ŭsim, jaje jakraz-taki sudzili, ale vyrašyli nie adpraŭlać u kałoniju. Mahčyma, Kisialova atrymała chimiju — pakul dakładna nie viadoma.
Dziaŭčyna na anhlijskaj movie pasprabavała rastłumačyć padpisčykam, čamu jaje stolki miesiacaŭ nie było ŭ sacyjalnych sietkach. Zhodna ź niepierakanaŭčaj viersijaj pryhažuni, jaje akaŭnt uzłamali, i tolki zaraz jana zmahła znoŭ atrymać da jaho dostup. Karyna padziakavała tym, chto chvalavaŭsia za jaje, i napisała, što lubić usich i vielmi sumavała.
Biełaruska ŭpieršyniu pajedzie na konkurs pryhažości «Mis Suśviet». Ale nie taja, jakaja pieramahła ŭ nacyjanalnym adbory
Stała viadoma, čamu pieramožca biełaruskaha adboru «Mis Suśviet» nie jedzie na konkurs. Jana znajšłasia ŭ SIZA
Biełaruska Eleanora Kačałaŭskaja nie trapiła ŭ top-30 na konkursie «Mis Suśviet»
Kačałoŭskaja: Na «Mis Suśviet» ja zrazumieła, što takoje žanočaja žorstkaść. A ŭ prybiralniu nas vadzili achoŭniki
Ciapier čytajuć
Były viadučy BT, jaki zvolniŭsia ŭ 2020-m i vyjechaŭ u Słavakiju, raskazaŭ, jak žyvie ciapier2
Kamientary
Da brośtie Vy pridumyvať... nasmotrieliś sieriałov. Komu iz sieŕjeznych ludiej eta dievčuška mohła "pieriejti dorohu"? Kto jejo v sudy potaŝit? Začiem? Jeśli ona sdiełała komu čto-to - to jejo by prosto pripuhnuli by ili iźbili by. Skorieje vsieho on diejstvitielno riešiła "podzarabotať" na sutienierstvie ili na čiom pochožim i popałaś milicii. Vot i posadili vierojatnieje vsieho po diełu.