Paźniak papiaredziŭ pra ahientaŭ siarod vyzvalenych palitviaźniaŭ i paradavaŭsia prablemam Cichanoŭskaj
Vieteran biełaruskaha ruchu Zianon Paźniak apublikavaŭ čarhovy analityčny tekst, u jakim vykazaŭ svoj pohlad na praces vyzvaleńnia palitviaźniaŭ z nastupnaj ich prymusovaj vysyłkaj za miažu, a taksama prakamientavaŭ «upadak Ofisa Śviatłany Cichanoŭskaj».
Na dumku Paźniaka, «źviazaŭšy vyzvaleńnie palitviaźniaŭ z departacyjaj ich za miažu, režym Łukašenki razam ź inšymi vypuskaje z turmy svaju ahienturu i zavierbavanych asob». Zadača, jakaja pierad imi stavicca — «dezarhanizavać i razburyć biełaruskuju emihracyju».
Z 52‑ch čałaviek, jakich vyzvalili z kałonij 11 vieraśnia i adrazu ž vydvaryli za miažu (za vyklučeńniem Mikoły Statkieviča, jaki vyjazdžać admoviŭsia), pa źviestkach Zianona Paźniaka, «paŭtuzin stabilna zaśviedčanyja ŭ «zaležnym stanie». Nivodnaha proźvišča jon, praŭda, nie nazyvaje, adznačajučy tolki, što «bjełaruskim palityčnym aktyvistam, jakija daŭno ŭ palitycy, jany viadomyja».
Taksama nie nazyvajučy proźvišča, Paźniak zhadvaje pra niadaŭna prysłanaje jamu videa, dzie
«niejki «dyviersant», vypuščany z łukašysckaj turmy, zryvaje šyldu z «Biełaruskaha Doma» ŭ Varšavie, pahražaje praniknuć i sarvać za płotam «biełorusskij fłah» i papsavać majomaść».
Vieteran biełaruskaha ruchu vykazvaje ŭpeŭnienaść, što «na biełaruskuju nacyjanalnuju palityku pavieličeńnie režymnaj ahientury za miažoj nie paŭpłyvaje, bo tut pra jaje daŭno viedajuć». Ale «dla biełaruskaj emihracyi ŭ cełym heta lišni čyńnik dezarhanizacyi».
Tym nie mienš, Paźniak ličyć, što palitviaźniaŭ vyzvalać z turmaŭ usio adno treba ŭsich pahałoŭna, adno što tolki, akramia hetaha, «treba prypynić represii i spynić departacyju viaźniaŭ za miažu bieź ich zhody».
Ale jość dla hetaha dziejača i dobryja naviny, źviazanyja z «častkovym spynieńniem finansavańnia Ofisa Śviatłany Cichanoŭskaj». Na jaho dumku, asłableńnie kankurenta adkryvaje dobryja pierśpiektyvy dla jaho apanientaŭ unutry biełaruskaj emihracyi:
«Upadak OSC moža stanoŭča paŭpłyvać na biełaruskija nacyjanalnyja inicyjatyvy ŭ emihracyi, na samaarhanizacyju, na pavieličeńnie aktyŭnych biełaruskich hrupaŭ u roznaha rodu kulturnaj, aśvietnickaj i palityčnaj dziejnaści, jakija stanuć asnovaj dla zdarovaj nacyjanalnaj salidarnaści i arhanizavanaha biełaruskaha ruchu. Važna toje, što z začynieńniem OSC źmianšajecca rytoryka dušyć Biełaruś (realna — narod) ekanamičnymi sankcyjami i začyniajecca pierśpiektyva «družyć» i paŭźci «vmiestie s Rośsijej».
Paźniak pra ŭčynak Statkieviča: Papulizm dziela stvareńnia vobrazu idejnaj pazicyi
Paźniak: Biełarusam vyhadna pieramovy pravieści ŭ Miensku
Paźniak žorstka vykazaŭsia pra Karža: Antyestetyčnaje, antymastackaje šarłatanstva, raźličanaje na dehienieratyŭnaje ŭspryniaćcie
Paźniak pierajšoŭ da abrazaŭ Cichanoŭskaha: «Istota tarabanić uvieś čas»
Zianon Paźniak: Zaraz intaresy režymu ŭ niejkaj stupieni supadajuć z nacyjanalnymi intaresami
Kamientary
Paźniak śpieŭsia z Łukašenkam i nie darma atrymlivaje ad jaho vinšavańni.