U Mastaŭlanach na Padlaššy ŭstalavali šyldy na miescy naradžeńnia Kalinoŭskaha
5 listapada ŭ Mastaŭlanach, kala miesca raźmiaščeńnia siadzibna-parkavaha ansambla Kalinoŭskich, byli ŭstalavanyja dźvie infarmacyjnyja šyldy, piša racyja.com.
Pry mantažy vyjaviłasia, što šyldy ŭstaloŭvajucca niepasredna na frahmientach, jakija, vierahodna, źjaŭlajucca častkami histaryčnaha kamiennaha muru siadzibnaha kompleksu.
— Pastavili znak, bo tut znachodzicca fundamient staroha muru. Heta dobra, što pastaŭleny šyldy, možna pračytać, daviedacca. Kali b nie Michałova i burmistr Marak Nazarka, šyldaŭ nie było b, — raspavioŭ skulptar, vytvorca šyldaŭ i ŭdzielnik prajekta Januš Tałuć.
Pieršaja šylda la miesca naradžeńnia adnaho ź lidaraŭ Studzieńskaha paŭstańnia 1863 hoda na ziemlach byłoj Rečy Paspalitaj, nacyjanalnaha hieroja u Polščy, Litvie i Biełarusi Kastusia Kalinoŭskaha źmiaščaje prazrystuju vyjavu siadziby ŭ łandšafcie, druhaja — karotkuju infarmacyju pra samo miesca i hieahrafična-histaryčny kantekst.
Uračystaje adkryćcio šyldaŭ zapłanavanaje na 22 listapada.
Kamientary