Ministerstva pracy i sacyjalnaj abarony ŭstanaviła novuju respublikanskuju tyražnuju łatareju «Miłasernaść». Adpaviednaja pastanova viedamstva apublikavana na Nacyjanalnym pravavym internet-partale, piša BiełTA.
Metaj praviadzieńnia łatarei źjaŭlajecca atrymańnie dadatkovych hrašovych srodkaŭ na nabyćcio trenažoraŭ, vyrabaŭ miedycynskaha pryznačeńnia i miedycynskaha abstalavańnia dla dziciačych sacyjalnych pansijanataŭ, dziaržaŭnaj ustanovy «Respublikanski reabilitacyjny centr dla dziaciej-invalidaŭ», a taksama na nabyćcio abstalavańnia dla praviadzieńnia vučebna-vychavaŭčaj i karekcyjna-raźvivajučaj raboty ź dziećmi-invalidami ŭ dziciačych sacyjalnych pansijanatach, dziaržaŭnaj ustanovie «Respublikanski reabilitacyjny centr dla dziaciej-invalidaŭ».
Arhanizacyja i praviadzieńnie ažyćciaŭlajucca za košt ułasnych srodkaŭ arhanizatara abo srodkaŭ, atrymanyja arhanizataram pa zajmie. Łatareja pravodzicca na ŭsioj terytoryi krainy.
Rozyhryšy pryzavoha fondu tyražoŭ łatarei pravodziacca nie radziej dvuch razoŭ u hod. Termin praviadzieńnia składaje piać hadoŭ z daty jaje rehistracyi (pierarehistracyi) ŭ dziaržaŭnym rejestry łatarej.
Košt łatarejnaha bileta, pamiery hrašovych vyjhryšaŭ i košt majomasnych vyjhryšaŭ vyznačajucca ŭ biełaruskich rublach.
Kamientary