Polšča stanie hałoŭnym karystalnikam jeŭrapiejskaj prahramy SAFE — vialikaha finansavaha instrumienta, jaki prapanuje vielmi tannyja, amal biaspłatnyja kredyty na biaśpieku i stratehičnaje raźvićcio. Pavodle słoŭ premjera Donalda Tuska, hety prajekt uźnik u tym liku dziakujučy polskaj inicyjatyvie padčas staršynstva ŭ ES, paviedamlaje pres-słužba polskaha ŭrada.
Amal 44 miljardy jeŭra Polšča zmoža nakiravać na roznyja patreby, u tym liku:
- umacavańnie «Uschodniaha ščyta» — abaronnaj infrastruktury na ŭschodniaj miažy;
- inviestycyi ŭ darožnuju i čyhunačnuju infrastrukturu, jakaja maje niepasrednaje značeńnie dla nacyjanalnaj biaśpieki;
- raźvićcio sučasnych technałohij, u tym liku kaśmičnych prajektaŭ, štučnaha intelektu, kibierbiaśpieki;
- zakupku abstalavańnia i techniki dla vojska, Pamiežnaj słužby i palicyi.
Donald Tusk padkreśliŭ, što Jeŭrapiejski sajuz upieršyniu pryznaŭ, što ŭschodniaja miaža Polščy — heta taksama ahulnaja miaža Jeŭropy, a tamu jaje abarona pavinna finansavacca na ŭzroŭni ES.
Akramia taho, polski premjer paviedamiŭ pra zaviaršeńnie pracesu vybaru pastaŭščyka novych padvodnych łodak dla VMS Polščy. Paśla doŭhich hadoŭ čakańnia ŭrad vyznačyŭsia z partnioram — najlepšaj pryznanaja prapanova Šviecyi, jakaja adzinaja całkam adpaviadała patrabavańniam polskaha fłotu. Kantrakt budzie ŭklučać nie tolki pastaŭku troch sučasnych padłodak, ale i inviestycyi ŭ polskija sudnavierfi, kab ramont i absłuhoŭvańnie adbyvalisia ŭnutry krainy.
Heta pavinna istotna ŭmacavać pazicyi Polščy na Bałtycy.
Ciapier čytajuć
Cichanoŭski ŭ Jelskim univiersitecie prapanavaŭ try elemienty stratehii ZŠA nakont Biełarusi24
Kamientary
A vied́ eto ohromnyje dieńhi, eto trieť toho, čto obieŝajut Ukrainie, i ukrainie eti dieńhi kuda nužnieje.
Tratuary , darohi - kryvyja , pavybivanyja , a miž tym Biudžet horada 5 młrd eúra 🤣
Kraduć ú kamunałcy , budaúnictvie , vyvazie i pieraapracoúcy śmiećcia , ,,ramontach,, .
Tak budzie i z hetymi hrašyma .
Hranica i vojska úsio śpiša .
Ich palityki zabałtajuć úsio ⭐
A žycharam abyjakava na heta , nichto nie
reahuje . nia skardzicca 😊