Donald Tramp paraiŭ premjer-ministru Japonii Sanae Takaici nie pravakavać Kitaj u pytańni Tajvania, paviedamlaje hazieta Wall Street Journal sa spasyłkaj na krynicy.
U pačatku listapada Takaici zajaviła, što kitajski napad na Tajvań moža vyklikać vajenny adkaz Tokia. Paśla takoj zajavy kitajski lidar Si Czińpin datelefanavaŭsia da Trampa i nahadaŭ pra histaryčnyja pretenzii KNR na vostraŭ, padkreśliŭšy adkaznaść ZŠA i Japonii za kiravańnie suśvietnym paradkam.
Japonskija čynoŭniki i amierykanskaja krynica paviedamili haziecie, što paźniej u toj ža dzień Tramp datelefanavaŭsia da Takaici i paraiŭ joj nie pravakavać Piekin pytańniem ab suviarenitecie Tajvania. Pavodle słoŭ krynic, Tramp pastaraŭsia danieści dumku da Takaici bieź cisku.
Japonskija aficyjnyja asoby zajavili, što zychodziačy z taho, jak Tramp paraiŭ Takaici nie pravakavać KNR, było bačna, što jon nie choča treńniaŭ vakoł Tajvania stavić pad pahrozu dasiahnutuju ŭ minułym miesiacy razradku ŭ adnosinach ZŠA i Kitaja. Idzie havorka pra abiacańnie KNR kupić bolš sielskahaspadarčaj pradukcyi ŭ amierykanskich fiermieraŭ, jakija paciarpieli ad handlovaj vajny.
Ciapier čytajuć
Cichanoŭski ŭ Jelskim univiersitecie prapanavaŭ try elemienty stratehii ZŠA nakont Biełarusi35
Kamientary
Testavali mienavita jaho i Štaty jak p...artniera.
Cunami smojet i vsie.